ШІ-праект Google ператварае нудныя кніжкі ў персаналізаваныя матэрыялы для навучання

Сістэме дастаткова загрузіць матэрыял з нуднага падручніка, і яна перапрацуе яго пад карыстальніка, пераўтварыўшы прыклады ў залежнасці ад яго класа і інтарэсаў. Напрыклад, вучню 11-га класа, які захапляецца баскетболам, законы Ньютана будуць тлумачыцца праз гульню. Кантэнт упакоўваецца ў розныя фарматы, уключаючы лекцыі з малюнкамі, слайды з агучкай, дыялогавыя аўдыёўрокі, інтэрактыўныя таймлайны, тэсты па раздзелах і майндмапы.

Ідэя ў тым, што калі навучальны матэрыял прадстаўлены ў розным выглядзе, ён лепш засвойваецца. А квізы і фармат размовы вучань-настаўнік даюць імгненную зваротную сувязь і дазваляюць адразу замацаваць пройдзенае.

У праверцы эфектыўнасці праекта ўдзельнічала 60 старшакласнікаў з Чыкага, якіх у выпадковым парадку падзялілі на дзве групы. У групы, якая карысталася Learn Your Way, вынік быў на 9% вышэй у параўнанні з той, што быў выдадзены звычайны тэкст у pdf, адразу пасля сеансу і на 11% вышэй — у адкладзеным тэсце праз 3-5 дзён. 93% школьнікаў эксперыментальнай групы хацелі б працягваць выкарыстоўваць інструмент (супраць 67% у кантрольнай).