ШІ ўсё хутчэй змяняе распрацоўку софту, і для многіх праграмістаў гэта не толькі тэхналагічны, але і асабісты пералом, піша Business Insider. Калі раней сутнасцю прафесіі было напісанне коду, то цяпер усё часцей код стварае ШІ, а інжынеры толькі дырыжыруюць яго працай і на звычайнай мове апісваюць, што трэба зрабіць.
ШІ ўсё хутчэй змяняе распрацоўку софту, і для многіх праграмістаў гэта не толькі тэхналагічны, але і асабісты пералом, піша Business Insider. Калі раней сутнасцю прафесіі было напісанне коду, то цяпер усё часцей код стварае ШІ, а інжынеры толькі дырыжыруюць яго працай і на звычайнай мове апісваюць, што трэба зрабіць.
«Узнікае сапраўднае пачуццё рамяства», — кажа пра часы, калі код пісалі рукамі, аўстралійскі тэхдыр Адам Джэйнс. Цяпер, па яго словах, гэтае адчуванне не знікла, але змясцілася: ён піша падрабязныя спецыфікацыі для ШІ-інструментаў і больш сканцэнтраваны на вырашэнні задач.
Падобныя змены адбываюцца і ў буйных кампаніях. У Spotify вядучыя распрацоўшчыкі не напісалі «ні аднаго радка коду» са снежня, казаў су-гендырэктар Густаў Сёдэрстрём у лютым. Інжынеры ўсё часцей проста назіраюць за тым, як ШІ генеруе код. «Гэта вялікая змена. Яна рэальная, і адбываецца вельмі хутка», — адзначыў ён.
Такая хуткасць трансфармацыі — размова ідзе ўжо пра месяцы, а не пра гады — адначасова натхняе і палохае. Кампаніі масава звальняюць, тлумачачы гэта павышэннем эфектыўнасці дзякуючы ШІ.
Гэта прымушае праграмістаў задумвацца, што цяпер значыць быць праграмістам, калі сам працэс напісання коду, які вызначаў іх статус і прафесійную ідэнтычнасць, цяпер аўтаматызаваны.
Распрацоўшчыца з Новай Зеландыі Эні Вэла пачала праграмаваць у 6 гадоў, калі бацькі купілі ёй камп’ютар з дапаможнікамі, дзе былі прыклады коду. «Я ў такім раннім узросце адчула задавальненне ад таго, што гэтыя словы ператвараюцца ў нешта, што рухаецца на экране», — кажа яна.
Вэла прызнае, што ШІ паскарае працу і дапамагае вырашаць больш складаныя задачы. Але адчуванне ад працы змяняецца. «Ёсць пэўнае адчуванне магіі, калі ШІ генеруе вялізныя аб’ёмы коду», — дзеліцца яна. Але дадае, што задавальненне часта ўзнікае менавіта з-за таго, што ты робіш і пераадольваеш нешта сам, і гэтага цяпер становіцца ўсё менш.
Па словах псіхолагаў, вырашэнне цяжкіх задач часта складае аснову пачуцця сэнсу ў працы: «Мы эвалюцыянавалі так, што нам даводзілася змагацца за выжыванне. Нам патрэбны выклікі».
Калі ШІ імгненна робіць тое, на што раней сыходзілі гадзіны, псіхалагічная ўзнагарода можа змяншацца — асабліва для інжынераў, чыя ідэнтычнасць будавалася вакол вырашэння складаных задач.
Даследчык Хорхе Мелегаці з Універсітэта Порту адзначае, што многія прыходзяць у праграмаванне дзеля таго, каб ствараць рэчы. Але па меры змяшчэння ролі інжынера да назірання за ШІ-агентамі, праца можа станавіцца «намнога прасцей» і прыносіць менш задавальнення.
Пры гэтым, па некаторых прагнозах, попыт на спецыялістаў у галіне ўсё роўна будзе расці. Ва ўрадзе ЗША лічаць, што занятасць распрацоўшчыкаў, аналітыкаў якасці і тэсціроўшчыкаў павялічыцца на 15% з 2024 па 2034 год — значна больш сярэдняга па рынку працы.
Многія інжынеры ўжо перагледжваюць сваю ролю. «Я сканцэнтраваўся на адной рэчы, а цяпер яна больш не мае значэння», — кажа распрацоўшчык з Масачусэтса Кінан Брок. Чалавек гадамі адточваў скілы і вучыў розныя мовы, але прыйшлося змяняць падыход.
Цяпер Брок больш думае пра задачы бізнесу і пра тое, як софт можа іх вырашаць. «Нехта кажа: „Я хачу больш хуткага каня“, а ты думаеш: „Магчыма, на самай справе вам патрэбна машына“».
Рэлацыраваліся? Цяпер вы можаце каментаваць без верыфікацыі акаўнта.
Провайдеры ИИ генеративных услуг все также глубоко убыточны🤷♂️ Обещают инвесторам прибыли не раньше 2030, а там или падишах помрёт или ишак сдохнет.