«Маск з'ехаў з глузду»: Трамп — пра планы былога сябра стварыць партыю

«Мне сумна назіраць за тым, як Ілан Маск зусім з’ехаў з глузду, ператварыўшыся за апошнія пяць тыдняў у хадзячую катастрофу. Ён нават хоча стварыць трэцюю палітычную партыю, нягледзячы на тое, што такія партыі ніколі не мелі поспеху ў ЗША, — сістэма, здаецца, не прызначана для гэтага», — напісаў Трамп.

Стварэнне новай партыі Маск анансаваў 5 ліпеня, заявіўшы, што America Party мае стаць альтэрнатывай дзвюм дамінуючым сілам — Рэспубліканскай і Дэмакратычнай партыям. Па яго словах, «народ хоча новую палітычную сілу з перавагай 2 да 1 — і цяпер яна ў яго ёсць».

Разрыў паміж Трампам і Маскам адбыўся з-за спрэчак наконт эканамічнай палітыкі, у прыватнасці — законапраекта аб падатках і скарачэнні выдаткаў, падпісанага Трампам 4 ліпеня. Дакумент, сярод іншага, адмяняе падатковыя льготы на электрамабілі, што наўпрост закранае інтарэсы Tesla.

Трамп таксама раскрытыкаваў так званы EV Mandate — ініцыятыву Маска па стымуляванні пераходу на электрамабілі. Прэзідэнт падкрэсліў, што амерыканцы цяпер «могуць купляць любыя машыны — бензінавыя, гібрыды ці нешта новае — але без навязвання».

Тым часам Маск сцвярджае, што асноўнай задачай новай партыі ў бліжэйшыя 12 месяцаў стане ўдзел у выбарах у Кангрэс. Пытанне аб прэзідэнцкім кандыдаце пакуль адкладзена. Афіцыйна прыхільнікі Маска пакуль не падалі дакументы на рэгістрацыю партыі ў Федэральную выбарчую камісію.

Маск объявил о создании своей партии «Америка»

Па тэме

Маск объявил о создании своей партии «Америка»

У Маска новая навязлівая ідэя: робатаксі выратуе ад правалаў Tesla

Па тэме

У Маска новая навязлівая ідэя: робатаксі выратуе ад правалаў Tesla

Трамп разгледзіць пытанне дэпартацыі Маска

Па тэме

Трамп разгледзіць пытанне дэпартацыі Маска