Нейрафізікі распрацоўваюць новыя імпланты для лячэння цяжкай дэпрэсіі. Дзякуючы штучнаму інтэлекту і пастаяннаму аналізу мазгавой актыўнасці такія прылады змогуць не толькі палягчаць сімптомы хваробы, але і загадзя папярэджваць аб магчымым рэцыдыве.
Нейрафізікі распрацоўваюць новыя імпланты для лячэння цяжкай дэпрэсіі. Дзякуючы штучнаму інтэлекту і пастаяннаму аналізу мазгавой актыўнасці такія прылады змогуць не толькі палягчаць сімптомы хваробы, але і загадзя папярэджваць аб магчымым рэцыдыве.
Галоўная асаблівасць новай сістэмы — выкарыстанне штучнага інтэлекту. Спецыяльныя алгарытмы ШІ кругласуткава аналізуюць электрычную актыўнасць мозга, распазнаючы найменшыя змены, якія могуць указваць на пагаршэнне стану. Калі ШІ фіксуе трывожныя сігналы, сістэма аўтаматычна карэкціруе параметры стымуляцыі або адпраўляе доктару папярэджанне, каб той мог своечасова ўмяшацца.
Раней для самых цяжкіх пацыентаў выкарыстоўвалі метад глыбокай стымуляцыі мозга (DBS): у мозг імплантуюць электроды, якія з дапамогай імпульсаў уплываюць на працу нейронаў і рэгулююць настрой. Аднак дагэтуль дактары маглі толькі ўручную наладжваць параметры стымуляцыі і адсочваць стан пацыента па яго словах ці анкетах.
Цяпер сітуацыя змяняецца. Даследчыкі з ЗША змаглі даказаць, што нэйраімплант з ШІ сам улоўлівае змены ў мозгу, якія сігналізуюць аб хуткім вяртанні дэпрэсіі — яшчэ да з’яўлення знешніх сімптомаў. У клініках ужо праходзяць выпрабаванні цалкам аўтаматычных («закрытых») DBS-сістэм. Яны працуюць у рэжыме рэальнага часу: фіксуюць, калі мозгу патрэбна дапамога, і самі ўключаюць стымуляцыю. Пацыенты адзначаюць прыкметнае паляпшэнне стану ўжо праз некалькі дзён пасля ўстаноўкі такіх прылад.
Галоўная мэта навукоўцаў — зрабіць лячэнне максімальна індывідуальным. Кожны пацыент атрымлівае сваю унікальную схему стымуляцыі, а дактары выкарыстоўваюць дадзеныя штучнага інтэлекту для дакладнай настройкі тэрапіі. Пакуль падобныя імпланты выкарыстоўваюцца толькі ў даследаваннях, але эксперты чакаюць, што ў бліжэйшыя гады тэхналогія атрымае афіцыйнае ўхваленне для лячэння цяжкай дэпрэсіі.
Рэлацыраваліся? Цяпер вы можаце каментаваць без верыфікацыі акаўнта.