Індыйскі месяцаход заснуў «вечным сном»

Месяцовая місія стартавала 14 ліпеня з Касмічнага цэнтра ім. Саціша Дхавана на востраве Шрыхарыкота. «Праг’ян» здзейсніў пасадку 23 жніўня на пасадачным модулі станцыі «Чандраян-3». Гэта была першая ў гісторыі Індыі мяккая пасадка ў раёне малавывучанага Паўднёвага полюса спадарожніка. Індыя стала чацвёртай краінай, якая пасадзіла апарат на Месяц.

«Праг’ян» вывучаў рэльеф і грунт Месяца, а таксама шукаў сляды тэктанічнай актыўнасці. 2 верасня ў месяцахода паўсталі праблемы з сувяззю, і тады апарат перавялі ў спячы рэжым, плануючы зноў яго запусціць 22 верасня. Паўторная спроба запуску выявілася няўдалай. ISRO паведамляла, што спрабавала звязацца з пасадачным модулем «Вікрам», але таксама беспаспяхова.

Кіраўнік ISRO Шрыдрах Панікер Сомнатх заявіў, што рэкамендаваў спецыялістам «не будзіць» месяцаход, каб апарат «заставаўся ў рэжыме вечнага сну». «Мы спадзяваліся, што ён прачнецца, але, на жаль, гэтага не адбылося <…> Многае магло пайсці не так», — дадаў Сомнатх. Аднак ён назваў місію вялікім поспехам і спадзяецца, што сабраныя даныя «прынясуць фантастычныя навуковыя вынікі».