Мільёны карыстальнікаў Instagram атрымалі паведамленні пра блакаванне акаўнта

Паводле даных Downdetector, збой пачаўся каля 16:00 31 кастрычніка па мінскім часе, ужо праз гадзіну колькасць паведамленняў пра памылкі перавысіла 7,7 тысячы. Сацсетка пацвердзіла факты блакавання ў сваім акаўнце ў Twitter: «Нам вядома, што ў некаторых узнікаюць праблемы з доступам да ўліковага запісу. Мы вывучаем сітуацыю і перапрашаем за нязручнасці».

The Verge адзначае, што праблема па большай частцы закранула карыстальнікаў iPhone. Збой прывёў да рэзкага скарачэння колькасці падпісчыкаў у профілях. Напрыклад, у профілю Крышціяну Раналду падпісчыкаў стала на 3 мільёны менш, ва ўласнага акаўнта Instagram — на 1 мільён.