Intel прапанавала тысячам супрацоўнікаў сысці ў неаплачвальны адпачынак — або звольніцца
Супрацоўнікам Intel у Ірландыі прапанавалі з уласнага жадання сысці ў неаплачвальны адпачынак на тры месяцы. Так кампанія спрабуе скараціць выдаткі, піша Reuters са спасылкай на мясцовае выданне Business Post.
Гаворка вядзецца прыкладна пра 2 тысячы супрацоўнікаў у вытворчым падраздзяленні Intel. Гэта каля 40% штату амерыканскай кампаніі ў краіне — тут на яе працуе прыкладна 5 тысяч чалавек.
«Праграмы па добраахвотным сыходзе ў адпачынак дазваляюць нам скараціць выдаткі ў кароткатэрміновай перспектыве і прапанаваць супрацоўнікам прывабны варыянты адпачынку», — заявілі прадстаўнікі Intel у каментары Reuters.
У кастрычніку Intel панізіла прагноз па гадавой выручцы і прыбытку, а таксама папярэдзіла пра будучыя звальненні. Кампанія дадала, што ва ўмовах макраэканамічнай нявызначанасці працягне шукаць шляхі зніжэння выдаткаў.
Читать на dev.by