Intel распрадае сябе: пазбавілася кантрольнага пакета паўправадніковага бізнесу Altera
Intel на фоне крызісу пагадзілася прадаць 51% актываў кампаніі Altera. Пра гэта чыпмейкер паведаміў у сваім блогу.
Intel на фоне крызісу пагадзілася прадаць 51% актываў кампаніі Altera. Пра гэта чыпмейкер паведаміў у сваім блогу.
Intel набыла Altera ў 2015 годзе за $16,7 млрд. Тая ўгода дагэтуль застаецца найбуйнейшай у гісторыі Intel. На базе Altera было створана бізнес-падраздзяленне Programmable Solutions Group. У 2023 годзе Intel заявіла, што мае намер вылучыць PSG у асобную кампанію з захаваннем кантрольнага пакета і вывесці яе на біржу цягам трох гадоў.
Пакупніком стала прыватная інвестыцыйная кампанія Silver Lake. Сума новай угоды склала $4,46 млрд. Гэта значыць, што за 10 гадоў пад крылом Intel актывы Altera патаннелі прыкладна ўдвая — і гэта без уліку інфляцыі.
Altera спецыялізуецца на распрацоўцы праграмавальных лагічных матрыц і софта для іх забеспячэння. Яе прадукцыя выкарыстоўваецца ў такіх галінах, як сувязь, робататэхніка і ШІ.
Intel адзначае, што продаж Altera дазволіць ёй засяродзіцца на сваім ключавым бізнесе. А доля ў 49% дазволіць удзельнічаць у будучыні Altera.
Гендырэктар Intel уклаўся ў сотні кітайскіх тэхнакампаній, частка звязаная з вайскоўцамі
Гендырэктар Intel уклаўся ў сотні кітайскіх тэхнакампаній, частка звязаная з вайскоўцамі
Рэлацыраваліся? Цяпер вы можаце каментаваць без верыфікацыі акаўнта.