Новы гендырэктар Intel Ліп-Бу Тан на працягу многіх гадоў інвеставаў у сотні кітайскіх тэхналагічных кампаній. Мінімум 8 з іх маюць сувязі з Народна-вызваленчай арміяй Кітая. Пра гэта піша Reuters са спасылкай на кітайскія і амерыканскія карпаратыўныя дакументы.
Новы гендырэктар Intel Ліп-Бу Тан на працягу многіх гадоў інвеставаў у сотні кітайскіх тэхналагічных кампаній. Мінімум 8 з іх маюць сувязі з Народна-вызваленчай арміяй Кітая. Пра гэта піша Reuters са спасылкай на кітайскія і амерыканскія карпаратыўныя дакументы.
Тан — вядомы інвестар Крамянёвай даліны з досведам працы ў тэхналагічным сектары Кітая. Яго прызначэнне кіраўніком Intel — найбуйнейшага вытворцы чыпаў у ЗША, які пастаўляе перадавыя чыпы, у тым ліку і Пентагону, — у мінулым месяцы выклікала занепакоенасць сярод амерыканскіх інвестараў.
Выданне высветліла, што Тан кантралюе больш за 40 кітайскіх кампаній і фондаў. Таксама яму належаць мінарытарныя долі больш чым у 600 кампаніях праз інвестфірмы, якімі ён валодае або кіруе — гэта заснаваная ім у Каліфорніі Walden International і два ганконгскіх холдынга.
У многіх выпадках ён валодае мінарытарнымі пакетамі разам з кітайскімі дзяржаўнымі структурамі. Частка кампаній, у якія інвеставаў Тан, супрацоўнічаюць з кітайскімі вайскоўцамі або пастаўляюць абсталяванне для абароннай галіны краіны. Напрыклад, ён інвеставаў у кампаніі разам з кітайскім дзяржаўным кангламератам China Electronics Corporation, які з 2020 года знаходзіцца пад санкцыямі ЗША.
У Intel адмовіліся каментаваць кітайскія інвестыцыі Тана, але заявілі, што ён падаў усе неабходныя звесткі, якія маглі б сведчыць пра патэнцыйны канфлікт інтарэсаў, і што кампанія выконвае патрабаванні Камісіі па каштоўных паперах і біржах ЗША.
У ЗША не забаронена інвеставаць у кітайскія кампаніі, нават звязаныя з вайскоўцамі, калі толькі яны не ўнесены ў спецыяльны спіс кампаній кітайскага ваенна-прамысловага комплексу, складзены Міністэрствам гандлю ЗША. Афіцыйных доказаў таго, што Тан наўпрост інвестуе ў забароненыя кампаніі, Reuters не выявіў. Аднак эксперты лічаць, што з улікам шматмільярдных кантрактаў Intel з Пентагонам узаемаадносіны яе новага кіраўніка з кітайскай абарончай галіной патрабуюць сур’ёзнай ацэнкі рызыкаў.
Рэлацыраваліся? Цяпер вы можаце каментаваць без верыфікацыі акаўнта.