Intel скароціць да 20% штату на кліенцкім і серверным напрамках

Мінулага кастрычніка Intel абвясціла, што сёлета плануе паменшыць выдаткі на $3 млрд, а да 2026-га эканоміць $10 млрд на год. Неўзабаве па тым Bloomberg пісаў, што ў сувязі з гэтым кампанія можа скараціць тысячы супрацоўнікаў. Тэхнагігант перажывае моцнае падзенне попыту на сваю прадукцыю і даходаў.

Паводле слоў Патэла, бюджэты сервернага і кліенцкага напрамкаў бізнэсу Intel будуць урэзаныя на 10%, што пацягне масавыя звальненні. Эксперт ацэньвае іх ажно да 20% двух падраздзяленняў.

Intel дала справаздачу пра рэкордную квартальную страту

Па тэме

Intel дала справаздачу пра рэкордную квартальную страту

Intel у каментары Tom’s Hardware адзначыла, што спрабуе лавіраваць у складаных макраэканамічных умовах. Прадстаўнік кампаніі пацвердзіў, што яна робіць розныя захады для эфектыўнейшага расходавання сродкаў, у тым ліку шляхам скарачэння супрацоўнікаў у розных падраздзяленнях. Але не ўдакладніў, у якіх менавіта і пра якую колькасць людзей вядзецца гаворка.

Як піша SiliconANGLE, за апошнія месяцы Intel звольніла больш за 500 працаўнікоў даследчага хаба ў каліфарнійскім Фолсаме, а неўзабаве можа анансаваць новыя скарачэнні. Таксама мясцовыя выданні пісалі пра скарачэнні Intel у Арэгоне.

Intel урэзала дывідэнды амаль на 2/3 — максімальна ад 2007 года

Па тэме

Intel урэзала дывідэнды амаль на 2/3 — максімальна ад 2007 года

Intel рэжа заробкі менеджменту. Гендырэктару — на 25%

Па тэме

Intel рэжа заробкі менеджменту. Гендырэктару — на 25%