Інвестар Майкл Б’юры лічыць, што эпоха, калі буйныя тэхкампаніі ператваралі адносна невялікія ўкладанні ў гіганцкія прыбыткі, падыходзіць да канца. І вінаваты ў гэтым штучны інтэлект.
Інвестар Майкл Б’юры лічыць, што эпоха, калі буйныя тэхкампаніі ператваралі адносна невялікія ўкладанні ў гіганцкія прыбыткі, падыходзіць да канца. І вінаваты ў гэтым штучны інтэлект.
У нядаўнім абмеркаванні на Substack з вядучым тэхнападкаста Дваркешам Пацелем Б’юры заявіў, што самы важны паказчык, за якім варта сачыць інвестарам у ШІ-індустрыі, — гэта зусім не рост выручкі, наём супрацоўнікаў ці памер рынку. Ключавой метрыкай ён называе рэнтабельнасць інвеставанага капіталу (return on invested capital, ROIC). Яна паказвае, наколькі эфектыўна кампанія канвертуе ўкладзеныя ў бізнес грошы ў прыбытак.
«Паказчык, які пераўзыходзіць усе астатнія, — гэта рэнтабельнасць інвеставанага капіталу. У гэтых софтверных кампаній ROIC раней быў вельмі высокім. Але цяпер яны ператвараюцца ў капіталаёмкія апаратныя кампаніі, і ROIC непазбежна будзе падаць, а гэта ў доўгатэрміновай перспектыве стварыць ціск на акцыі», — напісаў Б’юры.
Па яго словах, ШІ выштурхоўвае кампаніі кшталту Microsoft, Google і Meta з «лёгкай» софтвернай мадэлі — без вялікіх фізічных актываў — у куды больш капіталаёмітую будучыню, пабудаваную на дата-цэнтрах, чыпах і спажыванні энергіі. Нават калі ШІ пашырыць патэнцыйны рынак для тэхгігантаў, зніжэнне ROIC можа аказваць ціск на катыроўкі акцый яшчэ шмат гадоў, лічыць Б’юры.
Б’юры стаў вядомым пасля фільма «Гульня на паніжэнне», дзе расказваецца пра яго стаўку супраць бурбалкі на рынку жылля сярэдзіны 2000-х. За выключэннем рэдкіх загадкавых пастоў у сацсетках ён доўгі час амаль не выказваўся публічна. Але ў канцы мінулага года ён зняў свой хэдж-фонд Scion Asset Management з рэгістрацыі рэгулятараў і пачаў публікаваць фінансавыя разборы на Substack.
У апошні час ён асабліва часта параўноўвае бум ШІ з бурбалкай доткомаў канца 1990-х, а OpenAI называе «Netscape нашага часу». IPO Netscape у 1995 годзе стала адпраўной кропкай дотком-бурбалкі, якая лопнула праз некалькі гадоў. Фонд Б’юры рабіў буйныя стаўкі супраць Nvidia і Palantir — двух ключавых гульцоў эпохі ШІ.
Вядучыя ШІ-кампаніі, уключаючы OpenAI, Anthropic, Google і Meta, сёння трацяць велізарныя сумы на будаўніцтва інфраструктуры для энергаёмістых чат-ботаў і іншых ШІ-прадуктаў. Інвестары актыўна фінансуюць гэтыя праекты, але пакуль гэтыя кампаніі не прадэманстравалі прыкметнага прыбытку ад сваіх ШІ-прадуктаў. Менавіта гэта і прымушае інвестараў кшталту Б’юры біць трывогу з-за ШІ-бурбалкі.
«У нейкі момант усе гэтыя выдаткі на распрацоўку ШІ павінны пачаць прыносіць даход, які перавышае кошт саміх інвестыцый. Інакш ніякай эканамічнай даданай вартасці тут проста няма», — напісаў Б’юры.
Релоцировались? Теперь вы можете комментировать без верификации аккаунта.
На пользователей предложат расходы, а вот как все эти агенты Шитдовса уживутся в небольшом объеме ОЗУ ноутов загадка (производители урезают из-за дороговизны)