Венчурная фірма SignalFire прааналізавала профілі супрацоўнікаў топавых ШІ-кампаній у LinkedIn і прыйшла да высновы, што таленты з OpenAI і Google DeepMind значна часцей пераходзяць у Anthropic, чым наадварот.
Венчурная фірма SignalFire прааналізавала профілі супрацоўнікаў топавых ШІ-кампаній у LinkedIn і прыйшла да высновы, што таленты з OpenAI і Google DeepMind значна часцей пераходзяць у Anthropic, чым наадварот.
Інжынеры сыходзяць з OpenAI у Anthropic у 8 разоў часцей, чым наадварот, а ў выпадку з ШІ-падраздзяленнем Google суадносіны і ўвогуле 11:1 на карысць Anthropic.
У лютай барацьбе за лепшых спецыялістаў у галіне ШІ Anthropic прыцягвае арыентацыяй на бяспеку ШІ і магутнай тэхналагічнай базай, а таксама статусам стартапа, які пакуль знаходзіцца на ранніх стадыях. Ён не толькі быў заснаваны людзьмі, якія спецыяльна для гэтага сышлі з OpenAI, але і паспеў атрымаць двух кофаўндараў OpenAI.
Акрамя таго, у Anthropic лепей атрымліваецца ўтрымліваць кадры, чым у DeepMind і OpenAI: гэты паказчык па кампаніях складае 80%, 78% і 67% адпаведна. Хаця абодва стартапы вельмі хутка растуць: у Anthropic адкрыта больш за 200 пазіцый, у OpenAI — каля 330.
Што да бяспекі, напрыклад, у 2024 годзе з OpenAI сышоў Ян Лейке — ён быў сукіраўніком каманды, якая сочыць за тым, каб будучыя звышінтэлектуальныя ШІ-сістэмы адпавядалі чалавечым каштоўнасцям. У допісе пра прычыны свайго сыходу Лейке напісаў, што «культура і працэсы бяспекі ў OpenAI адышлі на другі план», саступіўшы месца іншым аспектам прадуктаў. Цяпер ён су-кіруе аналагічнай камандай ў Anthropic.
Сузаснавальнік OpenAI Джон Шульман таксама сышоў летась у Anthropic, напісаўшы, што хоча «паглыбіць» сваю працу над бяспекай ШІ. Але пасля перайшоў у стартап Thinking Machines былога СТО OpenAI Міры Мураці. Ён ужо на пасеўнай стадыі плануе прыцягнуць больш за $2 млрд.
Шульман — не адзіны сузаснавальнік OpenAI, які перайшоў у Anthropic. Тое ж самае зрабіў даследчык ШІ Дзёрк Кінгма, які некалькі гадоў працаваў у DeepMind.
Anthropic таксама перацягнула некалькіх вядучых супрацоўнікаў DeepMind. Напрыклад, старшага навуковага супрацоўніка DeepMind Ніла Хаўсбі ў новы офіс у Цюрыху — пра гэта ён паведаміў сёлета. Вясной Anthropic таксама наняла навуковага супрацоўніка Нікаласа Карліні з DeepMind, які працаваў у Google сем гадоў. Ён аргументаваў свой сыход тым, што «ў Anthropic сапраўды клапоцяцца пра тыя праблемы бяспекі, якія хвалююць і мяне, і даюць мне магчымасць працаваць над імі».
SignalFire таксама звязвае міграцыю талентаў з тым, што сярод распрацоўшчыкаў набірае папулярнасць Claude — ШІ-асістэнт Anthropic. «Інжынеры часта цягнуцца да кампаній, прадукты якіх яны паважаюць і выкарыстоўваюць», — гаворыцца ў дакладзе.
Што да маладосці Anthropic, некаторыя эксперты адзначаюць, што раннія кампаніі могуць прыцягваць супрацоўнікаў перспектывай раней атрымаць акцыі. Anthropic быў запушчаны ў 2021 годзе і ацэньваецца ў $61,5 млрд. OpenAI заснаваны ў 2015 годзе і ацэньваецца ў $300 млрд.
Рэлацыраваліся? Цяпер вы можаце каментаваць без верыфікацыі акаўнта.