ІТ-кампаніі даплачваюць некаторым спецыялістам сотні тысяч даляраў за ШІ-скілы
Тэхнакампаніі падвышаюць стаўкі ў вайне за ШІ-таленты і гатовы шчодра даплачваць дата-сайентыстам і інжынерам з такімі скіламі. Пра гэта гаворыцца ў дакладзе фірмы J. Thelander Consulting, якая вывучыла дадзеныя па заробках у 153 кампаніях.
Гэта называецца «стратэгічная пераплата». Многія кампаніі на некаторых пазіцыях даюць надбаўкі памерам да $200 тысяч спецыялістам, якія разбіраюцца ў машынным навучанні. Прычым дата-сайентыстам і аналітыкам дадзеных з такім навыкам даплачваюць больш, чым інжынерам ПЗ.
Асабліва не шкадуюць грошай стартапы. Каля паловы даследаваных кампаній, якія даплачваюць супрацоўнікам з ШІ-навыкамі, за папярэдні год не мелі выручкі, а большасць (71%) не былі прыбытковымі. Так стартапы спрабуюць неяк вылучыцца на фоне тэхнагігантаў, лічаць у фірме.
Але і ў тэхнагігантаў ёсць велізарныя фінансавыя магчымасці для прыцягнення лепшых з найлепшых. Так, у чэрвені з’явілася інфармацыя, што Meta спрабуе пераманіць супрацоўнікаў OpenAI велкам-бонусамі па $100 млн. СТО Meta Эндру Босварт пазней адзначыў, што стартап Сэма Альтмана таксама прапануе немалыя грошы, каб утрымаць самых каштоўных супрацоўнікаў.
Читать на dev.by