«Раздзьмутая шуміха». ПВТ даведаўся ў кампаній, што яны думаюць пра AI (але EPAM зноў забылі)

Экспертным меркаваннем пра трэнды ў ІТ падзяліліся прадстаўнікі 14 кампаній — «Дакладныя рашэнні», iТесhArt Group, Innowise, «Беларускі міжбанкаўскі разліковы цэнтр», «Тинькофф Цэнтр Распрацоўкі», WHITESNAKE, Expert Sof, SoftTeco, «Азаці», «Эполь Софт», Aston, LeverX, Lerna, «Гейм Стрым».

Трэці год запар сярод экспертаў няма EPAM (у даведніках 2019-2021 кампанія была).

Што думаюць ІТ-кампаніі пра ўплыў AI на галіну

ІТ-кампаніі падзяліліся сваім меркаваннем аб тым, як AI уплывае і будзе ўплываць на ІТ-сектар і як зменяцца патрабаванні да спецыялістаў. 

iTechArt Group

— AІ — магутны інструмент, які актыўна развіваецца і ўдасканальваецца, павялічваючы эфектыўнасць інжынераў і дазваляючы марнаваць менш часу на руцінныя задачы.

Генератыўныя АІ-інструменты ёсць генератыўнымі, але не крэатыўнымі. Яны не разумеюць сутнасці задачы і прапаноўваюць варыянты рашэнняў, а вось ці падыходзяць яны, ці не — вызначае ўжо спецыяліст.

Узяць той жа трэндавы СhatGPT-метад, які даступны для стварэння MVP, дзе дастаткова простай мовай апісаць патрабаванні і прыкладна праз 15 хвілін атрымаць рэпазіторый з кодам. Але ў выніку вы атрымаеце ўсяго толькі «шкілет», які ўсё роўна трэба дапрацоўваць і тэсціраваць інжынеру.

«Азаці»

— Рынак працы ІТ-спецыялістаў змяняецца пад уплывам развіцця штучнага інтэлекту, і гэтыя змены, хутчэй за ўсё, будуць працягвацца найбліжэйшымі гадамі.

Вось некалькі ключавых момантаў, якія варта ўлічваць:

1. Аўтаматызацыя руцінных задач. AI і машыннае навучанне здольныя аўтаматызаваць мноства паўтаральных і стандартных задач, што можа прывесці да скарачэння працоўных месцаў у некаторых абласцях.
2. Стварэнне новых прафесій. З’яўляюцца новыя спецыяльнасці, звязаныя з АІ, такія як інжынеры па машынным навучанні, спецыялісты па апрацоўцы натуральнай мовы.
3. Пераасэнсаванне ролі ІТ-спецыялістаў. Спецыялісты павінны будуць адаптавацца да новых ролях, дзе яны будуць працаваць сумесна з АІ, выкарыстоўваючы яго ў якасці інструмента для павышэння эфектыўнасці і інавацый;
4. Неабходнасць бесперапыннага навучання. ІТ-спецыялістам спатрэбіцца пастаянна абнаўляць свае веды і навыкі, каб заставацца канкурэнтаздольнымі на рынку працы.

LeverX

— Штучны інтэлект на дадзены момант можа замяніць чалавечую працу ў вырашэнні базавых задач аўтаматызацыі. Аднак, напрыклад, распрацоўка архітэктуры праграм яму пакуль не пад сілу.

У будучыні тэхналагічныя інавацыі, AI акажуць уплыў на ландшафт інфармацыйнай бяспекі, таму, напрыклад, ад такіх спецыялістаў, як DevSecOps, будуць чакаць распрацоўкі новых стратэгій і разумных механізмаў абароны.

«БМРЦ»

— На бягучы момант штучны інтэлект можа генераваць праграмны код нескладанай функцыянальнасці для дапамогі інжынеру-праграмісту пры наяўнасці ўваходных і выходных даных.

Аднак стварыць праграму з пункта гледжання атрымання канчатковага прадукту як скончанай функцыянальнай сістэмы і з улікам шырокай бізнэс-логікі яму будзе складана. 

«Тинькофф Цэнтр Распрацоўкі»

— У канцы нулявых гаварылася, што перавод інфраструктуры ў воблака дазволіць эканоміць на сістэмных адміністратарах. Цяпер мы можам сказаць, што гэтае прароцтва не спраўдзілася, Прафесія зведала трансфармацыю «Сісадмін -> SRE».

Можна сказаць дакладна, што патрабаванні да спецыялістаў будуць ускладняцца, так як найпрасцейшыя задачы можна будзе аўтаматызаваць з дапамогай AI.

Expert Soft

— Некаторыя традыцыйныя задачы, такія як напісанне руціннага кода або тэсціраванне праграм, могуць стаць менш запатрабаванымі, у той час як попыт на спецыялістаў па распрацоўцы штучнага інтэлекту і аналізу даных можа ўзрасці.

Акрамя гэтага, з развіццём штучнага інтэлекту ўзнікаюць новыя магчымасці і напрамкі ў ІТ. Напрыклад, расце попыт на спецыялістаў па распрацоўцы і ўкараненні нейронных сетак, а таксама па працы з данымі і па аналітыцы.

Таксама можа ўзнікнуць патрэба ў спецыялістах, здольных адаптаваць і аптымізаваць ІТ-сістэмы для працы са штучным інтэлектам. Як следства распаўсюджвання штучнага інтэлекту, ад ІТ-спецыялістаў рынак запатрабуе больш глыбокіх міждысцыплінарных навыкаў (напрыклад, аналітыкі, камунікацыі, аналізу і кіравання праектамі).

«Эполь Софт»

— Штучны інтэлект — гэта шмат у чым раздзьмутая шуміха. Калі гэтая тэхналогія дойдзе да стадыі сталасці, то стане яшчэ адным інструментам распрацоўшчыка і толькі. Патрэба ў людзях нікуды не сыдзе.

Перспектывы ІТ-галіны пад уплывам AI

У даведніку таксама ёсць прагноз развіцця сусветнага ІТ-сектара з улікам уплыву AI. 

Складальнікі даведніка, спасылаючыся на даследаванне, адзначаюць, што ў перыяд 2024–2032 гадоў сярэднегадавы тэмп росту рынку штучнага інтэлекту складзе больш за 30%. У прыватнасці, паводле ацэнак міжнароднага агенцтва Statista, у бягучым годзе аб’ём рынку можа павялічыцца ад 9, 1 да 12, 2 млрд долараў, а ў 2032 годзе — да 168, 2 млрд долараў, або ў дзесяць разоў. 

Чакаецца, што асноўныя інвестыцыі пойдуць у праекты, звязаныя з тэхналогіямі генератыўнага АІ (GenAI). Гэтыя тэхналогіі дазваляюць ствараць разнастайны кантэнт на аснове даных, выкарыстаных для навучання мадэляў.

«Ужо цяпер відавочнае імклівае развіццё дыялогавых сістэм, машыннага зроку, генерацыі выяў і машыннага перакладу», — адзначаць аўтары даведніка. 

Адначасова прагназуецца маштабная канкурэнцыя за працэсары для навучання AI. У прыватнасці, аналітычная кампанія Analytics Vidhya вылучае сярод актуальных трэндаў у галіне AI і машыннага навучання апрацоўку натуральнай мовы (Natural Language Processing, NLP)  

NLP — гэта набор метадаў, якія дапамагаюць камп’ютарнай сістэме разумець чалавечае маўленне. Гэтыя метады выкарыстоўваюцца ў стварэнні чат-ботаў, аналізе аб’ёмных тэкставых дакументаў, распазнаванні маўлення, трансфармацыі тэксту ў маўленне і іншых задачах.

Складальнікі даведніка адзначаюць, што AI-інструменты не змогуць цалкам замяніць ІТ-спецыялістаў. Чым больш штучны інтэлект будзе развівацца і ўкараняцца ў розныя сферы жыцця, тым больш спецыялістаў спатрэбіцца на яго суправаджэнне. 

«Толькі чалавек можа карэктна і выразна сфармуляваць запыт для AI, праверыць і прааналізаваць прапанаваныя рашэнні і інтэграваць іх у канкрэтныя задачы бізнэсу або іншых абласцей. У выніку ІТ-рынак будзе зацікаўлены ў высакакласных спецыялістах, якія ўмеюць працаваць з нейрасеткамі і здольныя вырашаць унікальныя задачы», — падкрэсліваюць аўтары.

Таксама яны адзначаюць, што з укараненнем GenAI у аперацыйныя працэсы вядучых кампаній рынак працы ў сферы штучнага інтэлекту значна вырас. Так, паводле даных рэкрутынгавага сэрвісу HH.ru, у кастрычніку 2023 года колькасць вакансій па пошуку спецыялістаў у галіне штучнага інтэлекту вырасла год да года на 80%.

Как найти работу с помощью ChatGPT. Лайфхак от Марины Хомич

По теме

Как найти работу с помощью ChatGPT. Лайфхак от Марины Хомич

Юрый Мельнічак: «Нам не трэба будзе столькі праграмістаў»

Па тэме

Юрый Мельнічак: «Нам не трэба будзе столькі праграмістаў»

Стартап Shader, заснаваны беларускай, выпусціў AI-праграму. Яна генеруе AR-эфекты для сацсетак

Па тэме

Стартап Shader, заснаваны беларускай, выпусціў AI-праграму. Яна генеруе AR-эфекты для сацсетак

Беларусы запусцілі сэрвіс, які генеруе крутыя фота для LinkedIn або CV. Усяго-ткі з сэлфі

Па тэме

Беларусы запусцілі сэрвіс, які генеруе крутыя фота для LinkedIn або CV. Усяго-ткі з сэлфі

Гендиректор Klarna похвастался, что выгодно заменил кучу людей на ИИ, но быстро удалил пост

По теме

Гендиректор Klarna похвастался, что выгодно заменил кучу людей на ИИ, но быстро удалил пост