Каліфарнійская кампанія Verkada распрацоўвае воблачныя сістэмы бяспекі будынкаў і аперацыйныя сістэмы — а яшчэ плаціць супрацоўнікам за тое, каб пасляабедзенны час яны бавілі разам і размаўлялі.
Каліфарнійская кампанія Verkada распрацоўвае воблачныя сістэмы бяспекі будынкаў і аперацыйныя сістэмы — а яшчэ плаціць супрацоўнікам за тое, каб пасляабедзенны час яны бавілі разам і размаўлялі.
@theloganbartlettshow 3 coworkers hanging out after 3pm = free drinks/dinner #buildingculture #employeeperks #teammotivation #corporatehacks #venturecapital #founders #startups #entrepreneurship #entrepreneurlife #techcompanies #theloganbartlettshow ♬ original sound — The Logan Bartlett Show
Ідэю такога цімбілдынгу ўвасобілі ў мінулым красавіку. Сутнасць у тым, што любыя тры супрацоўнікі (ці больш) могуць разам пайсці ў якую-небудзь установу пасля 3 гадзіны дня, а кампанія возьме на сябе чэк за ежу і напоі.
«Час абедзенны, і калі тры чалавекі пойдуць разам патусавацца, то з вялікай верагоднасцю яны будуць размаўляць пра нешта, звязанае з працай, што ў выніку выгадна нам», — растлумачыў СЕО кампаніі Філіп Калішан.
Тут лічаць, што падобнае ўзаемадзеянне паміж супрацоўнікамі павысіць канкурэнтаздольнасць Verkada ў галіне, дзе кампаніі каштуюць сотні мільярдаў долараў.
Папярэдні дазвол на вылазку супрацоўнікам атрымліваць не трэба. Дастаткова проста скінуць сумеснае фота з установы, куды яны накіраваліся, у канал у Slack з назвай праграмы. Кампанія кампенсуе да $30 на чалавека.
Праграмай хоць бы адзін раз скарысталіся ўсе 1800 супрацоўнікаў Verkada. Рабіць гэта ім рэкамендуецца 1-2 разы на тыдзень. Звычайна ў канале з’яўляецца 4-5 фота на дзень.
Калішан адзначае, што кампанія і раней аплачвала супрацоўнікам сумесныя паходы. Але калі ідэю аформілі ў афіцыйную праграму і далі ёй назву, а потым расклеілі ўлёткі пра яе па офісе, увагі да бонусу стала значна больш.
Verkada была заснаваная ў 2016 годзе. Цяпер яна ацэньваецца ў $3,5 млрд. Кампанія займаецца вытворчасцю камер відэаназірання, апавяшчальнікаў, перамоўных прылад і іншага абсталявання для бяспекі, а таксама звязанага з ім софту. У 2023 годзе яна вырасла ў памеры на 60% і анансавала пяць новых офісаў у дадатак да 15 ужо існых лакацый.
Але ў карпаратыўнай культуры Verkada не ўсё ідэальна. У перыяд пандэміі яна настойвала на вяртанні супрацоўнікаў у офіс ужо пасля двух месяцаў шатдаўну, спасылаючыся на недахопы аддаленай працы. Калішан казаў, што калі кампанія хоча расці хутка, то людзі маюць быць у офісе. Ужо ў чэрвені 2020 года Verkada патрабавала паўнавартаснай прысутнасці на працоўным месцы 5 дзён на тыдзень, а цяпер не наймае на аддаленую працу і ўсяляк спрабуе не дапусціць яе ў сябе. Праграма «3-3-3» — працяг гэтай палітыкі.
Рэлацыраваліся? Цяпер вы можаце каментаваць без верыфікацыі акаўнта.