Аддзел навін 20 кастрычніка 2023, 09:58

90/10: гендырэктар Dropbox расказаў пра падыход да аддаленай працы

Гендырэктар і сузаснавальнік файлаабменніка Dropbox Дру Х’юстан развівае культуру дыстанцыйнай працы, нягледзячы на тое, што многія яго калегі сілком заганяюць супрацоўнікаў у офіс.

2 каментарыя

90/10: гендырэктар Dropbox расказаў пра падыход да аддаленай працы

Гендырэктар і сузаснавальнік файлаабменніка Dropbox Дру Х’юстан развівае культуру дыстанцыйнай працы, нягледзячы на тое, што многія яго калегі сілком заганяюць супрацоўнікаў у офіс.

У нядаўнім інтэрв’ю Fortune прадпрымальнік расказаў, што ў кампаніі дзейнічае правіла 90/10 — то-бок 90% года супрацоўнікі працуюць з дому (або адкуль заўгодна), а 10% — у офісе. Такі падыход у Dropbox практыкуюць з 2021 года.

Кампанія была створана ў 2007 годзе і месціцца ў Сан-Францыска. Да красавіцкіх скарачэнняў яна налічвала 3 тысячы супрацоўнікаў. У 2020 годзе на фоне пандэміі яна абвясціла, што асноўным фарматам працы тут цяпер будзе не фізічны, а віртуальны — то-бок аддалены.

«Я б сказаў, што ў іх супрацоўнікаў мае быць выбар. Яны не рэсурс, які трэба кантраляваць», — адказаў Х’юстан на пытанне аб тым, што б ён сказаў сваім калегам, якія патрабуюць ад падначаленых абавязковай прысутнасці ў офісе.

«Тут патрэбная іншая сацыяльная дамова і адмова ад кантролю. Калі вы давяраеце людзям і ставіцеся да іх як да дарослых, яны і паводзіцца будуць як дарослыя. Давер вышэйшы за нагляд», — дадаў СЕО Dropbox.

Прадстаўнік Dropbox у каментары Insider адзначыў, што пасля ўвядзення новага рэжыму працы паказчык утрымання супрацоўнікаў у кампаніі дасягнуў рэкордных значэнняў. А 70% новых супрацоўнікаў называюць яго галоўнай прычынай, з якой яны падалі заяўку на працу тут.