bel 22 жніўня 2025, 11:15

ІТ у лідарах па долі моладзі сярод супрацоўнікаў у Беларусі

ІТ з’яўляецца самай «маладой» сферай эканамічнай дзейнасці ў Беларусі. Пра гэта паведаміла начальніца галоўнага ўпраўлення статыстыкі працы Белстата Ірына Бандарэнка.

Пакінуць каментарый

ІТ з’яўляецца самай «маладой» сферай эканамічнай дзейнасці ў Беларусі. Пра гэта паведаміла начальніца галоўнага ўпраўлення статыстыкі працы Белстата Ірына Бандарэнка.

Доля моладзі ў беларускім ІТ складае 37%. Далей ідуць сферы паслуг па часоваму пражыванню і харчаванню. Акрамя таго, у ІТ разам з здабычай нафты і газу самыя высокія заробкі — больш за 7 тысяч рублёў.

А яшчэ Бандарэнка пахвалілася, што ў нашай краіне ўзровень беспрацоўя адзін з самых нізкіх у свеце, і да таго ж зніжаецца. У 2 квартале ён склаў 2,6%.

Дарэчы, верхні парог маладзёжнай катэгорыі могуць падняць. Зараз да яе адносяцца людзі ад 14 да 31 года, а можа стаць да 35 гадоў. З такой ініцыятывай выступае Маладзёжны парламент — маўляў, гэта справядліва на фоне павышэння пенсійнага ўзросту і таго, што многія людзі ўступаюць у шлюб і заводзяць дзяцей пасля 30. А таму не атрымліваюць статусу маладой сям'і і адпаведных ільгот.