Візавы цэнтр Італіі прыпыніў рэгістрацыю на візы «праз сшытак»

Абмежаванне тычыцца турыстычнага «шэнгена» і будзе дзейнічаць да спецыяльнага паведамлення, якое таксама з’явіцца на сайце візавага цэнтра. 

Пры гэтым анлайн-верыфікацыя для асобных катэгорый грамадзян пакуль застанецца даступнай.

Таксама цэнтр працягне працаваць з заяўнікамі, якія паспелі зарэгістравацца ў жывую чаргу або трапіць у ліст чакання «Прэміум-сэрвіс» да 7 студзеня.

На візу па запрашэнні або з працоўнай мэтай можна падацца праз форму зваротнай сувязі на сайце візавага цэнтра або непасрэдна ў італьянскім пасольстве.

Сістэму запісу «праз сшытак» увялі каля 1,5 года таму, каб пазбавіцца ад пасярэднікаў і «дапамагатараў» пры атрыманні віз. Усе ахвотныя запісваліся па жывой чарзе ў спецыяльны сшытак, які ў тэматычных чатах ахрысцілі «сшыткам Алега» — па імені супрацоўніка цэнтра, які займаўся гэтай працай.