Італьянскі візавы цэнтр увёў «тэрмін прыдатнасці» для нумароў жывой чаргі
Візавы цэнтр Італіі змяніў механізм жывой чаргі. Пра гэта ён паведаміў 14 кастрычніка.
Цяпер атрыманыя ў мінулым нумары маюць абмежаваны тэрмін дзеяння. Нумары з 1 па 8000 будуць сапраўдныя да 15 лістапада 2025 года, з 8001 па 23000 — да 31 снежня 2025 года.
Пасля ўказанага тэрміну дадзеныя нумары не будуць прымацца, нават без папярэдняга запісу. Да канца года цэнтр паабяцаў размясціць у сябе на сайце інфармацыю аб тэрмінах дзеяння наступных нумароў і аб умовах рэгістрацыі ў жывой чарзе новых ахвотных.
Новаўвядзенне павінна зрабіць працэс праходжання чаргі больш «арганізаваным і празрыстым».
Італія заняла 2 месца пасля Германіі па колькасці шэнгенскіх віз, выдадзеных беларусам у 2024 годзе. Акрамя таго, пакуль практычна ўсе ключавыя для беларусаў краіны паменшылі выдачу віз, Італія павялічыла — больш чым на 10%.
Читать на dev.by