iTechArt Group адкрыла ІТ-лабараторыю ў полацкім універсітэце

У інавацыйнай лабараторыі будуць праходзіць практычныя заняткі студэнтаў сямі спецыяльнасцей інфармацыйна-камунікацыйнага профілю. Студэнты змогуць распрацоўваць кросплатформавыя праграмныя прадукты, а таксама ствараць і тэсціраваць праграмы для iOS і Android. Для гэтага лабараторыя ўкамплектаваная мабільнымі прыладамі, планшэтамі, разумнымі гадзіннікамі, ноўтбукамі і камп’ютарамі.

Падобныя лабараторыі пры падтрымцы iTechArt Group з’явіліся ў сямі беларускіх ВНУ. У прыватнасці, летась кампанія адкрыла ІТ-лабараторыі ў гомельскім і гродзенскім універсітэтах.