Белстат назваў галіны з найбольш высокай пагадзіннай аплатай
Белстат распавёў, колькі наймальнікі ў розных галінах выдаткоўвалі на рабочую сілу ў разліку на адну чалавека-гадзіну ў 2024 годзе. У гэты паказчык уваходзяць сама аплата працы, прэміі і кампенсацыі, а пры наяўнасці — таксама харчаванне, пражыванне, паліва, навучанне, медабслугоўванне і сацабарона, жыллё і спецадзенне, падаткі і зборы, звязаныя з работнікамі.
Прадказальна, самымі «дарагімі» аказаліся работнікі інфармацыі і сувязі — 43,8 рубля за чалавека-гадзіну. На другім месцы з невялікім адрывам ідуць работнікі горназдабыўной прамысловасці — 42,5 рубля.
Наступныя за імі кадры ў фінансавай і страхавой галінах адстаюць больш чым на 10 рублёў за кожную гадзіну працы — на іх выдаткі ацэнены ў 32,2 рубля. Яшчэ ніжэй былі выдаткі на спецыялістаў прафесійнай, навуковай і тэхнічнай дзейнасці (28,6 рубля) і ў сферы адукацыі (15,7 рубля).
Найтанней наймальнікам абыходзяцца работнікі ў сельскай, лясной і рыбнай гаспадарцы, дзе пагадзінныя выдаткі склалі 13,5 рубля. Побач у ніжняй частцы спісу — катэгорыя «іншыя паслугі», адміністрацыйныя і дапаможныя паслугі, а таксама рэстаранны і гасцінічны бізнес.
Читать на dev.by