З Windows 11 знікнуць праграмы «Пошта» і «Каляндар»

Замест іх Microsoft прапануе абноўленую праграму Outlook. Пры канцы года персанальныя камп’ютары пад кіраваннем Windows 11 будуць пастаўляцца з перадусталяванай праграмай Outlook замест «Пошты» і «Календара». Абедзве праграмы будуць даступныя для ўсталявання з Microsoft Store да верасня 2024 года. Затым кампанія цалкам спыніць іх падтрымку.

Паводле даных Windows Central, кампанія фактычна закінула гэтыя праграмы: яны не атрымлівалі нейкіх значных абнаўленняў ад моманту выхаду Windows 11 у кастрычніку 2021 года праз нізкую папулярнасць сярод карыстальнікаў. Новая праграма Outlook цяпер знаходзіцца на стадыі прэв’ю. Атрымаць да яе доступ можна праз «Пошту», актываваўшы пераключальнік «Паспрабуйце новую версію Outlook».