Праз камп’ютарны збой у ЗША на 1,5 гадзіны скасавалі ўсе вылеты

Памылка была справакаваная ўсяго адным сапсаваным файлам, які зламаў сістэму абвестак NOTAM. Яна выкарыстоўваецца для папярэджання пілотаў пра магчымыя небяспекі ў рэжыме рэальнага часу, пачынаючы ад птушак паблізу аэрапорта да інфармацыі пра тэхнічных работы на ўзлётна-пасадачных палосах. Гэта прывяло да затрымкі тысяч авіярэйсаў па ўсёй краіне ў сераду.

У ходзе папярэдняга расследавання было выяўлена, што памылкі ў ключавых даных сістэмы з’явіліся па віне двух супрацоўнікаў з кампаніі-падрадчыка. Адзначаецца, што FAA прадугледжаныя працэдуры для прадухілення псавання даных спецыялістамі, якія працуюць з імі. Файлы былі пашкоджаныя ў парушэнне правілаў, якія забараняюць падобнае ўмяшанне ў дзейную сістэму.

Цяпер у ведамстве высвятляюць, ці былі шкодныя змены ўкаранёныя наўмысна, ці выпадкова.

Праблемы ў сістэме пачаліся позна ўвечары ў аўторак. Спецыялісты пераключыліся за запасную версію, аднак гэта не дапамагло, паколькі яна таксама звярталася да тых жа пашкоджаных даных. Для аднаўлення сістэму спатрэбілася цалкам адключыць.

У чацвер FAA паведаміла, што сістэма функцыянуе штатна, а доля скасаваных рэйсаў не перавышае 1%. Цяпер ведамства прапрацоўвае новыя меры абароны сістэмы, асобным кампанентам якой ужо 30 гадоў.