Спроба Ілана Маска знізіць выдаткі Twitter звальненнямі мае пабочны эфект: недасведчаныя супрацоўнікі цяпер адказваюць за незнаёмыя для іх сферы, што павышае рызыку збояў, піша New York Times.
Спроба Ілана Маска знізіць выдаткі Twitter звальненнямі мае пабочны эфект: недасведчаныя супрацоўнікі цяпер адказваюць за незнаёмыя для іх сферы, што павышае рызыку збояў, піша New York Times.
Гэтымі выходнымі пра сваё скарачэнне даведалася яшчэ 200 чалавек. Цяпер у кампаніі працуе прыкладна чвэрць ад таго штату, які быў на момант угоды ў кастрычніку. Нават падчас выхаду на біржу ў 2013 годзе Twitter налічваў 2700 супрацоўнікаў.
Сярод звольненых апынулася адная з топ-менеджараў Эстэр Кроўфард, якая начавала ў офісе ў спальніку. Яна была адной з нямногіх у старым кіраўніцтве кампаніі, хто заўзята падтрымаў парадкі Маска. Таксама Twitter застаўся без пастаяннага кіраўніка глабальнай інфраструктуры — інжынер Tesla, прызначаны на гэтую пасаду мільярдэрам, звольніўся ў студзені.
Дзейныя і былыя супрацоўнікі Twitter расказалі выданню, што ў выніку масавых звальненняў у кампаніі адсутнічае выразная структура кіравання. Некаторыя джуны ўзначальваюць прадукты і сэрвісы, з якімі ніколі раней не працавалі. Гэта азначае павышаную верагоднасць непаладак. А праз недахоп працаўнікоў павялічыцца час на іх выяўленне і выпраўленне.
Буйны збой здарыўся ў Twitter у студзені — тады карыстальнікі не маглі посціць твіты і адпраўляць асабістыя паведамленні. Ілан Маск заклікаў інжынераў прыпыніць працу над новым функцыяналам і заняцца праблемай. Самы свежы маштабны збой адбыўся ўчора — у карыстальнікаў мабільнай і настольнай версій сэрвісу перастала абнаўляцца стужка навін і зніклі падпіскі.
Рэлацыраваліся? Цяпер вы можаце каментаваць без верыфікацыі акаўнта.