Як аднавіць акаўнт Google: інструкцыя

Для пачатку адкрываем інструкцыю «Як аднавіць акаўнт» ад Google і пераходзім па спасылцы для аднаўлення.

Уводзім адрас электроннай пошты або нумар тэлефона, прывязаны да ўліковага запісу. Калі ні таго, ні іншага не памятаеце, можна ўвесці пошту, якая была пазначаная ў якасці рэзервовай.

Сістэма захоча пераканацца, што гэта сапраўды вы ўваходзіце ў свой акаўнт, і папросіць пацвердзіць асобу адным з некалькіх спосабаў.

Праз апавяшчэнне на тэлефоне

Першы варыянт аднавіць Гугл-акаўнт — праз апавяшчэнне на тэлефоне, у якім вам трэба будзе націснуць Так. Калі апавяшчэнне не прыходзіць або вы перадумалі, ціснем Іншы спосаб.

Праз код на электронную пошту

Наступны варыянт — адпраўка кода на пошту акаўнта або на рэзервовы электронны адрас.

Уводзім код з электроннага ліста і націскаем Далей.

Сістэма перанакіруе вас на старонку стварэння новага пароля, пасля чаго доступ да акаўнта адновіцца.

Праз нумар тэлефона

Таксама можна аднавіць акаўнт Google праз нумар тэлефона. У гэтым выпадку вы атрымаеце код на мабільны нумар, які быў пазначаны як рэзервовы. Пасля ўводу вам таксама прапануюць задаць новы пароль.

Іншым спосабам

Нарэшце, можна Выбраць іншы спосаб уваходу і ўвесці апошні пароль ад акаўнта, які памятаеце.

Сістэма папросіць пазначыць кантактны адрас электроннай пошты, на які прыйдзе код пацверджання. Пасля яго ўводу пераз 6 гадзін на гэты ж адрас вам дашлюць спасылку для скідання пароля.

Калі ў вас няма доступу да пошты або тэлефона і наогул ніякі са спосабаў вам не дапамог, перайдзіце на старонку «Як аднавіць доступ да акаўнта» і пачытайце дадатковыя парады. Тут Google рэкамендуе адказаць на максімальную колькасць пытанняў (калі іх будуць задаваць), а таксама паспрабаваць аднавіць акаўнт з прылады, на якой вы часта заходзілі ў акаўнт. Таксама сістэма можа запытаць іншую інфармацыю пра акаўнт, які вы аднаўляеце — гэта спросціць і паскорыць працэдуру.

Калі зусім нічога не дапамагае, Google прапануе вам папросту завесці новы ўліковы запіс.