JetBrains прапануе бясплатную падпіску ў абмен на даныя для ШІ

З выхадам абнаўлення 2025.2.4 JetBrains будзе збіраць фрагменты кода, гісторыю рэдагавання, запыты і адказы ШІ-сэрвісаў, а таксама каманды тэрмінала. Гэтыя дадзеныя будуць выкарыстоўвацца ў абезасобленым выглядзе і, як падкрэслівае кампанія, апрацоўвацца ў адпаведнасці з нормамі ЕС.

У абмен на згоду дзяліцца кодам і гісторыяй працы ў асяроддзях распрацоўкі кампанія гатова прадаставіць бясплатную гадавую карпаратыўную падпіску All Products Pack. Такі пакет каштуе $979 за аднаго карыстальніка.

Па змаўчанні збор дэталізаваных дадзеных уключаць для студэнтаў, выкладчыкаў і распрацоўшчыкаў open source-праектаў, аднак опцыю можна адключыць у наладах IDE. Уладальнікаў камерцыйных ліцэнзій змены не закрануць, калі толькі самі не захочуць падключыцца да праграмы.

Для кампаній удзел у праграме будзе добраахвотным і магчымы толькі пры рашэнні адміністратараў на ўзроўні арганізацыі, каб пазбегнуць уцечак інтэлектуальнай уласнасці. JetBrains ужо адкрыла ліст чакання для карпаратыўных кліентаў, гатовых прыняць удзел.

JetBrains адзначае, што існуючыя моўныя мадэлі, навучаныя на адкрытых зыходніках, спраўляюцца з простымі задачамі, але недастаткова эфектыўныя для распрацоўкі. Збор рэальных дадзеных, на думку кампаніі, дазволіць павысіць дакладнасць аўтадапаўнення, палепшыць тлумачэнні кода і скараціць колькасць памылак.

Новая ШІ-мадэль DeepSeek зробіць працу ўдвая таннейшай за папярэднюю

Па тэме

Новая ШІ-мадэль DeepSeek зробіць працу ўдвая таннейшай за папярэднюю

«Лепшы ў свеце ШІ для кодынгу» ад Anthropic працуе аўтаномна да 30 гадзін

Па тэме

«Лепшы ў свеце ШІ для кодынгу» ад Anthropic працуе аўтаномна да 30 гадзін

OpenAI апублікавала 300 гатовых промптаў для працы з ChatGPT

Па тэме

OpenAI апублікавала 300 гатовых промптаў для працы з ChatGPT