JetBrains: кожнаму шостаму распрацоўшчыку ШІ эканоміць мінімум дзень на тыдзень

Відавочна, ШІ становіцца базавым: 85% рэспандэнтаў рэгулярна выкарыстоўваюць тэхналогію для напісання кода і распрацоўкі ў цэлым. 62% карыстаюцца прынамсі адным асістэнтам, агентам ці рэдактарам на базе ШІ.

Астатнія 15% пакуль не ўключылі ШІ ў штодзённую працу. Прычыны — напрыклад, сумневы ў тэхналогіі, яе бяспецы і проста асабістыя перавагі.

Сярод тых, хто пасябраваў з ШІ, прыблізна для 90% рэспандэнтаў ён эканоміць мінімум гадзіну працы на тыдзень, а кожнаму пятаму — восем гадзін і больш, гэта значыць практычна адзін працоўны дзень.

68% апытаных лічаць, што ў бліжэйшай будучыні працадаўцы пачнуць патрабаваць ад кандыдатаў умення працаваць з ШІ ў абавязковым парадку.

У асноўным распрацоўшчыкі даручаюць ШІ рутыну кшталту генерацыі шаблоннага кода, пошуку інфармацыі ў сетцы, пераўтварэння кода з адной мовы ў іншую, стварэння дакументацыі і абагульнення змен. Але больш складаныя задачы, як адладка і пабудова логікі аплікацый, імкнуцца вырашаць самастойна.

Сярод рэчаў, якімі распрацоўшчыкі найбольш незадаволены, — ШІ піша не надта якасны код, ШІ не разумее складаны код і логіку, рызыкі, звязаныя з прыватнасцю і бяспекай, страх разучыцца пісаць код самастойна, а таксама неразуменне кантэксту штучным інтэлектам.

Што датычыцца моў праграмавання, за апошнія пяць гадоў найбольшы прырост прадэманстраваў TypeScript. Крыху павольней долю на рынку нарошчваюць Rust, Go і Kotlin. PHP, Ruby і Objective-C паступова здаюць пазіцыі.

Самы вялікі патэнцыял росту, на думку распрацоўшчыкаў, маюць TypeScript, Rust і Go. Топ-5 моў, якія рэспандэнты найбольш хацелі б вывучыць — Go (11%), Rust (10%), Python (7%), Kotlin і TypeScript (па 6%). Самай высокааплатнай стала Scala, пры тым што асноўнай мовай яна з’яўляецца толькі ў 2% апытаных.

Поўную версію справаздачы можна паглядзець па спасылцы.

IEEE: з-за ШІ стала немагчыма адсочваць папулярнасць моў, іх будучыня пад пытаннем

Па тэме

IEEE: з-за ШІ стала немагчыма адсочваць папулярнасць моў, іх будучыня пад пытаннем

Распрацоўшчыкі выдаткоўваюць на код толькі 16% часу і губляюць фокус да 1 200 разоў у дзень

Па тэме

Распрацоўшчыкі выдаткоўваюць на код толькі 16% часу і губляюць фокус да 1 200 разоў у дзень