У Беларусі падрыхтаваны праект закона аб платформеннай эканоміцы, які вызначае асновы працы і ўзаемадзеяння з карыстальнікамі для лічбавых платформаў. Пра гэта паведамляе БЕЛТА са словаў першага намесніка міністра антыманапольнага рэгулявання і гандлю Наталлі Васілеўскай.
У Беларусі падрыхтаваны праект закона аб платформеннай эканоміцы, які вызначае асновы працы і ўзаемадзеяння з карыстальнікамі для лічбавых платформаў. Пра гэта паведамляе БЕЛТА са словаў першага намесніка міністра антыманапольнага рэгулявання і гандлю Наталлі Васілеўскай.
Яна адзначыла, што электронны гандаль у Беларусі актыўна развіваецца, і гэта патрабуе ўдасканалення нарматыўнага рэгулявання. Цяпер у краіне фарміруецца спецыяльнае заканадаўства па платформеннай эканоміцы — створаная працоўная група з удзелам дзяржаўных органаў і прадстаўнікоў бізнесу. Пры распрацоўцы дакумента вывучаўся міжнародны вопыт, у тым ліку расійскі, кітайскі і казахстанскі.
«Праект ужо падрыхтаваны, унесены ва ўрад», — паведаміла чыноўніца. У дакуменце прапісаны асноўныя прынцыпы працы лічбавых платформаў і рэгулявання адносін паміж іх аператарамі і карыстальнікамі. Законапраект павінен забяспечыць баланс інтарэсаў дзяржавы, бізнесу і спажыўцоў.
Васілеўская дадала, што побач з пытаннямі абароны правоў спажыўцоў увага ўдзяляецца праблемам прадаўцоў, якія працуюць праз электронныя пляцоўкі: камісіям, празрыстасці правіл і ўмовам узаемадзеяння паміж удзельнікамі рынку.
Пра законапраект у сферы анлайн-гандлю гаварыла і намеснік кіраўніка МАРТ Святлана Караткевіч у эфіры дзяржТБ. Яна прызнала, што беларусы ўсё больш купляюць на маркетплейсах, і фізічныя гандлёвыя кропкі рызыкуюць застацца без грошай. На гэтую тэндэнцыю ведамства адрэагавала з спазненнем і цяпер хоча ўраўняць шансы гульцоў на рынку.
Кароткевіч адзначыла, што новы законапраект ведамства павінен узгадніць падыходы ў гэтым кірунку. Ён будзе рэгуляваць дзейнасць не толькі маркетплейсаў, а ўсіх лічбавых платформаў, якія працуюць на тэрыторыі краіны.
«Будуць разгледжаныя такія пытанні, як улік дзейнасці інтэрнэт-пляцовак, маркетплейсаў, інтэрнэт або e-commerce, як прынята цяпер казаць, усіх кірункаў для таго, каб мы разумелі, як развіваецца гэты рынак, і прымалі аператыўныя меры, каб не адбылося закрыцця гандлёвых цэнтраў», — цытуе чыноўніцу tochka.by.
У будучыні замежныя маркетплейсы будуць шчыльней звязваць з Беларуссю. Іх могуць абавязаць рэгістравацца ў краіне, каб павялічыць падатковыя паступленні.
Релоцировались? Теперь вы можете комментировать без верификации аккаунта.
Итог: всё станет ещё дороже