Отдел новостей про Польшу 1 лютага 2023, 08:42

Як уладкаваная вышэйшая ІТ-адукацыя ў Польшчы. Спіс і рэйтынг ВНУ, як паступіць

Тэлеграм-канал @dzikpic зрабіў вялікі і падрабязны разбор пра вышэйшую тэхнічную адукацыю ў Польшчы. Дзелімся.

Атрымаць вышэйшую ІТ-адукацую сёння можна ў 26 акадэмічных універсітэтах у Польшчы.

Навучальныя ступені ў польскай адукацыі

ІТ-адукацыя часцей за ўсё праходзіць на ўзроўні бакалаўра-інжынера.

практыка — каля 50% вучэбнага часу;
сістэма прамога супрацоўніцтва з ІТ-кампаніямі;
шмат праграм абмену, самая вядомая Еrasmus+ (1-3 семестры ў краінах ЕС ды інш.);
дыплом еўрапейскага ўзору;
кошт на ІТ-спецыяльнасцях: ад 720 да 3000 еўра за першы год (I ступень); бясплатна — калі ёсць карта паляка або польская не ніжэйшая за С1.

З чаго складаецца:

Агульная праграма. Уключае ІТ і абарону 1Р, матаналіз, дыскрэтную матэматыку, імавернасныя метады і статыстыку, фізіку.
Спецыялізацыя на 3-5 семестрах навучання. Модуль мае выбраць дастатковая для фармавання групы колькасць студэнтаў.

Найпапулярнейшыя праграмы спецыялізацыі:

Прастора для выбару модульных прадметаў велізарная.

Асаблівых правілаў паступлення менавіта на інфармацыйныя тэхналогіі няма.

Атэстат сярэдняй адукацыі. Можа спатрэбіцца апастыль.
Запоўненая анкета ўніверсітэта. Можна спампаваць з сайта, часам запоўніць анлайн.
Для навучання на англійскай — сертыфікат IELTS або TOEFL. На польскай — сертыфікат моўнай школы або дзяржэкзамену.
Фота 3,5×4,5;
Для непаўналетніх: апастыляванае пасведчанне аб нараджэнні, ксеракопіі пашпартоў бацькоў, дазвол ад бацькоў на выезд за мяжу, часам — звесткі пра апекуноў на тэрыторыі РП.
У некаторых універсітэтах перад пачаткам навучальнага года (1 кастрычніка) ладзяць моўны інтэнсіў (выдадуць сертыфікат). Ёсць і гадавыя курсы для замежнікаў — «зеруўка».

Падача дакументаў звычайна да канца чэрвеня, у 10 чыслах ліпеня ўжо ёсць вынікі. У прыватных ВНУ прыёмная кампанія можа доўжыцца даўжэй.

Падаць дакументы.
Уступныя экзамены — на патрабаванне. Як правіла, ІТ-спецыяльнасцей гэта не тычыцца.
Матывацыйны ліст — таксама на патрабаванне. Ён часцяком неабходны будучым айцішнікаў пры паступленні ў магістратуру.
Атрымаць Zaswiadczenie o przyjeciu cudzoziemiec na studia. Гэты дакумент пацвярджае факт залічэння ва ўніверсітэт. Спатрэбіцца для афармлення візы або карты побыту.
Атрымаць візу. Done!

Пераводы паміж ВНУ ў Польшчы практыкуюцца, таксама цалкам рэальна перавесціся з-за мяжы. Для гэтага спатрэбіцца:

Знаць мову (гэта агульная ўмова і для паступлення, і для пераводу). Адпаведны сертыфікат.
Выпіска адзнак з універсітэта. Абавязкова маюць быць пазначаныя ўсе прадметы, якія вывучаліся, і час на іх вывучэнне. Выпіска мае быць перакладзеная на польскую мову прысяжным перакладчыкам.

Перадаем дакументы ў абраны ўніверсітэт.

Калі адказ ВНУ станоўчы, то дадаткова спатрэбіцца віза, фатаграфіі, меддаведка.