Як атрымаць офер пад канец года — парады ад экс-рэкрутаркі Google
Пад канец года наём замірае, і кандыдатам здаецца, што новых людзей ніхто не бярэ. Але кар’ерны коўч Сара Гус, якая амаль дзесяць гадоў працавала рэкрутарам у Google, кажа, што гэта не так. У некаторых сферах наём сапраўды запавольваецца, а недзе наадварот рэзка паскараецца. Галоўнае — ведаць, як сябе правільна паказаць, сцвярджае спецыялістка. У тэхнагіганце Гус складала пытанні для сумоўяў, ацэначныя матрыцы, навучала інтэрв’юераў і ўдзельнічала ў фінальных рашэннях па кандыдатах. У 2023 годзе яна запусціла ўласнае агенцтва Goose Gets It і цяпер дапамагае шукальнікам арыентавацца на складаным рынку.
Пад канец года наём замірае, і кандыдатам здаецца, што новых людзей ніхто не бярэ. Але кар’ерны коўч Сара Гус, якая амаль дзесяць гадоў працавала рэкрутарам у Google, кажа, што гэта не так. У некаторых сферах наём сапраўды запавольваецца, а недзе наадварот рэзка паскараецца. Галоўнае — ведаць, як сябе правільна паказаць, сцвярджае спецыялістка. У тэхнагіганце Гус складала пытанні для сумоўяў, ацэначныя матрыцы, навучала інтэрв’юераў і ўдзельнічала ў фінальных рашэннях па кандыдатах. У 2023 годзе яна запусціла ўласнае агенцтва Goose Gets It і цяпер дапамагае шукальнікам арыентавацца на складаным рынку.
Па яе словах, у канцы года цяжка трапіць у стартапы — ім важна паказаць прыбытковасць інвестарам. А вось буйныя кампаніі, арыентаваныя на рост, часта спяшаюцца закрыць вакансіі менавіта ў гэты перыяд, пакуль бюджэты і квоты на новыя пазіцыі не зрэзалі. Вось яе чатыры парады.
1. Вызначцеся з роляй і пазіцыянаваннем
Перш за ўсё трэба максімальна высветліць для сябе, на якія пазіцыі вы будзеце падавацца. Задайце сабе тры пытанні:
Які ў вас узровень (junior, middle, senior)?
У якой нішы вы працуеце?
У чым ваша прафесійнае адрозненне?
Важна знайсці пункт, дзе перасякаецца тое, што вы хочаце, з тым, што патрэбна рынку, і з тым, у чым вы моцныя. Чым ясней гэта разуменне, тым лягчэй будзе вылучыцца.
2. Звузьце фокус і дзейнічайце стратэгічна
Метад «разаслаць сотню рэзюмэ наўгад» больш не працуе. Парадокс у тым, што чым менш водгукаў і чым больш дакладныя вашы дзеянні, тым вышэй шанец на офер.
Гус рэкамендуе скласці спіс мэтавых кампаній, дзе вы хочаце працаваць, наладзіць апавяшчэнні па іх вакансіях і адказваць адразу, як толькі адкрываецца падыходзячая пазіцыя.
3. Вяртайцеся туды, дзе вас ужо разглядалі
Калі вы ў гэтым годзе ўжо праходзілі інтэрв’ю і не прайшлі фінал, канец года — выдатны час нагадаць пра сябе.
Зайдзіце на кар’ерную старонку кампаніі, праверце свежыя вакансіі. Напішыце рэкрутару, з якім размаўлялі, што ўжо праходзілі тут сумоўе, паляпшалі свае навыкі і будзеце радыя, калі вас накіруюць да патрэбнай каманды.
У кампаніі ўжо ёсць дадзеныя пра вас, і вы пройдзеце хутчэй. Гус падкрэслівае, што «не» — гэта не «назаўжды», а «пакуль што».
4. Будзьце даступныя
Адна з частых памылак кандыдатаў у тым, што яны занадта доўга думаюць перад адказам. Ва ўмовах высокай канкурэнцыі тыдзень ці нават некалькі дзён маруднасці — і вы ў пралёце. Калі рэкрутар прапануе сазваніцца на гэтым тыдні, то правільны адказ — «Канечне. Давайце заўтра» або «Магу сёння».
Рынак складаны, але не мёртвы
Гус прызнае, што зараз сапраўды шмат скарачэнняў, і канкурэнцыя жорсткая. Але кампаніі ўсё роўна наймаюць, асабліва на вузкаспецыялізаваныя ролі. «Універсалам цяжка, але спецыялісты запатрабаваныя. Знайдзіце сваю нішу і прытрымлівайцеся яе», — раіць рэкрутарка.
10+ сертификаций Coursera, которые помогут улучшить резюме и повысить зарплату
Бюджетный способ прокачать навыки и повысить зарплату — это профессиональный сертификат от Google, IBM или крупного зарубежного университета. На Coursera как раз можно найти десятки полезных обучающих программ по машинному обучению, проджект-менеджменту и не только. Собрали 10+ сертификаций, которые будут выигрышно смотреться в резюме как новичка, так и опытного специалиста.
Дизайн, VR и интернет вещей: 10 доступных онлайн-курсов от Google, Amazon и других гигантов
На платформе Coursera можно найти сотни курсов от крупных корпораций, включая Google, Amazon и HubSpot. Это отличная возможность начать новую карьеру, повысить квалификацию и просто получить плюс в профессиональную карму. Мы собрали 10 программ от ИТ-компаний, которые помогут освоить машинное обучение, UX-дизайн, продакт-менеджмент, кибербезопасность и многое другое.
Релоцировались? Теперь вы можете комментировать без верификации аккаунта.