Для многіх ІТ-спецыялістаў высокі заробак далёка не адзіная важная рэч — яны таксама чакаюць ад працадаўцаў розных бенефітаў ад медстрахоўкі да магчымасці працаваць у гнуткім рэжыме. Пляцоўка Dice у рамках справаздачы Tech Salary Report апытала больш за 7 тысяч амерыканскіх айцішнікаў і высветліла, якія бонусы яны хацелі б мець і якія з іх у большай ці меншай ступені даюць працадаўцы.
Для многіх ІТ-спецыялістаў высокі заробак далёка не адзіная важная рэч — яны таксама чакаюць ад працадаўцаў розных бенефітаў ад медстрахоўкі да магчымасці працаваць у гнуткім рэжыме. Пляцоўка Dice у рамках справаздачы Tech Salary Report апытала больш за 7 тысяч амерыканскіх айцішнікаў і высветліла, якія бонусы яны хацелі б мець і якія з іх у большай ці меншай ступені даюць працадаўцы.
Так, працадаўцы з лішкам пакрываюць розныя віды медыцынскіх паслуг для супрацоўнікаў. У астатнім патрэбы працаўнікоў задавальняюцца не заўсёды. Напрыклад, 34% рэспандэнтаў назвалі патрэбнымі розныя плюшкі, звязаныя з доглядам дзяцей і састарэлых сваякоў, а атрымліваюць іх толькі 11%.
Найбольшы разрыў паміж чаканнямі і рэальнасцю назіраецца ў бонусах, звязаных з навучаннем, кампенсацыі акцыямі, а таксама ў выплатах для камфортнай працы з дому — гэта могуць быць грошы на куплю мэблі, аплату інтэрнэту або праграмы для прадукцыйнасці.
Адсутнасць жаданых бонусаў можа быць адной з прычын, з якой 52% рэспандэнтаў Dice не выключаюць, што найбліжэйшым годам зменяць кампанію. Пры гэтым некаторыя бонусы сталі пакрывацца лепш: разрыў у пункце аплачваных адпачынкаў у параўнанні з папярэднім даследаваннем скараціўся ад 7% да 3%, а адпачынкаў па доглядзе дзіцяці — ад 8% да 4%.
Рэлацыраваліся? Цяпер вы можаце каментаваць без верыфікацыі акаўнта.