Кітай у панядзелак абвясціў аб увядзенні абмежаванняў на пастаўку дронаў і звязанага з імі абсталявання, паведамляе Reuters. Гэта трэба ў мэтах забеспячэння «нацыянальнай бяспекі і інтарэсаў».
Кітай у панядзелак абвясціў аб увядзенні абмежаванняў на пастаўку дронаў і звязанага з імі абсталявання, паведамляе Reuters. Гэта трэба ў мэтах забеспячэння «нацыянальнай бяспекі і інтарэсаў».
Абмежаванні распаўсюджваюцца на рухавікі для беспілотнікаў, лазеры, камунікацыйнае абсталяванне і сістэмы абароны ад дронаў. Таксама яны закрануць некаторыя спажывецкія дроны. Акрамя таго, забаронена экспартаваць грамадзянскія дроны для ваенных мэт.
Як заявілі ў мясцовым Міністэрстве гандлю, новыя меры набудуць моц 1 верасня. Прадстаўнік ведамства адзначыў у каментары Reuters, што навіны дэманструюць пазіцыю Кітая як адказнай краіны, імкненне рэалізаваць глабальныя ініцыятывы ў галіне бяспекі і падтрымаць мір ва ўсім свеце. Ён дадаў, што ўлады апавясцілі пра навіны патрэбныя краіны і рэгіёны.
Раней амерыканскія заканадаўцы заяўлялі, што больш як палова ўсіх дронаў, якія прадаюцца ў ЗША, зробленая кітайскай кампаніяй DJI, а таксама што менавіта яны карыстаюцца найбольшай папулярнасцю сярод амерыканскіх органаў аховы правапарадку.
DJI у панядзелак сказаў, што заўсёды строга выконвае патрабаванні юрысдыкцый, у якіх вядзе сваю дзейнасць, уключаючы Кітай. Кампанія адзначыла, што ніколі не распрацоўвала і не вырабляла тэхнікі для ваенных мэт, а таксама не пазіцыянавала і не прадавала свае прадукты для выкарыстання ў ваенных канфліктах у якіх-небудзь краінах.
Рэлацыраваліся? Цяпер вы можаце каментаваць без верыфікацыі акаўнта.