Людзі ўсё часцей карыстаюцца дзелавымі сацсеткамі для паходу на спатканні і дэйтынгавымі сэрвісамі — для ўсталявання карысных для працы сувязяў, адзначае Business Insider. Напрыклад, у Кітаі моладзь для прасоўвання па кар’ернай лесвіцы звяртаецца па дапамогу амерыканскай праграмы Tinder.
Людзі ўсё часцей карыстаюцца дзелавымі сацсеткамі для паходу на спатканні і дэйтынгавымі сэрвісамі — для ўсталявання карысных для працы сувязяў, адзначае Business Insider. Напрыклад, у Кітаі моладзь для прасоўвання па кар’ернай лесвіцы звяртаецца па дапамогу амерыканскай праграмы Tinder.
Паводле афіцыйных звестак, беспрацоўе сярод насельніцтва ва ўзросце 16-24 гадоў у Кітаі ў мінулым чэрвені дасягала 21,3%, а ў снежні знізілася да 14,9%. Для параўнання: у ЗША беспрацоўных у той жа ўзроставай групе ў чэрвені было 7,4%.
Паколькі Tinder у Кітаі заблакаваны, доступ да яго мясцовыя суіскальнікі атрымліваюць праз VPN. Сярод пераваг праграмы яны адзначаюць прастату пошуку людзей, з якімі можна ўсталяваць кантакт. Паводле іх слоў, Tinder дазваляе знаходзіць невідавочныя і рэдкія вакансіі ў Кітаі і за мяжой.
«Дэйтынгавыя праграмы дазваляюць нам ахапіць больш людзей. Звычайна нам трэба доўгі час, каб зблізіцца з людзьмі. Але ў выпадку дэйтынгавых праграм вы можаце прабавіць з імі пару гадзін, і яны ўжо гатовыя даць вам тоны асабістай інфармацыі», — адзначыў студэнт з Шанхая, з якім гутарыла выданне NBC News.
Між тым кітайскія эксперты кажуць, што больш кансерватыўныя працадаўцы сумнеўна ставяцца да пошуку працы праз Tinder. Напрыклад, дзяржаўныя кампаніі назаўжды ўнеслі б суіскальнікаў у «чорны спі», калі б даведаліся, што яны карыстаюцца гэтай праграмай для працы.
Сам Tinder супраць таго, каб яго выкарыстоўвалі для прасоўвання кампаній або пошуку заробку — гэта прапісана ў правілах сэрвісу.
Праграмы для спатканняў як інструмент пошуку працы папулярныя не толькі ў Кітаі, але і ў ЗША. Напрыклад, у Grindr кажуць, што 25% юзераў адной з галоўных мэтаў у праграме назвалі кар’ерны нэтворкінг.
Рэлацыраваліся? Цяпер вы можаце каментаваць без верыфікацыі акаўнта.
Многие используют приложения для знакомств для поиска/предложения работы, правда немного по другому))