Сузаснавальнік Coursera і Google Brain Эндру Ын падкрэсліў парадокс, які склаўся ў сферы ШІ. З аднаго боку, тэхналогія адкрывае для людзей нябачаныя магчымасці ў плане кодынгу, а з другога — у кампаній праблемы з пошукам кваліфікаваных супрацоўнікаў, якія спецыялізуюцца на ШІ: іх мала, і знайсці іх складана.
Сузаснавальнік Coursera і Google Brain Эндру Ын падкрэсліў парадокс, які склаўся ў сферы ШІ. З аднаго боку, тэхналогія адкрывае для людзей нябачаныя магчымасці ў плане кодынгу, а з другога — у кампаній праблемы з пошукам кваліфікаваных супрацоўнікаў, якія спецыялізуюцца на ШІ: іх мала, і знайсці іх складана.
На думку навукоўца, трэба не баяцца, што ШІ ўсіх заменіць, а наадварот інтэнсіўна асвойваць тэхналогію і вучыцца будаваць ШІ-сістэмы.
«Кожны год у зімовыя святы я прысвячаю нейкі час вучобе і распрацоўцы. Спадзяюся, вы таксама будзеце так рабіць», — заклікаў Ын. Кажа, гэта дапамагае яму паспяваць за імклівым развіццём тэхналогіі.
Ён раіць не брацца за ШІ-праекты, спачатку не вывучыўшы базу: без трывалых асноў ёсць рызыка пачаць «вынаходзіць ровар» — і, хутчэй, рабіць гэта дрэнна. Гаворка пра інструменты, тэхнікі і метады, якія ўжо існуюць і якія варта вывучаць паслядоўна з дапамогай спецыяльных курсаў па ШІ. Ын дадаў, што аддае перавагу глядзець добрыя курсы па ШІ ад прафесіяналаў, а не Netflix. Так ён натхняецца новымі ідэямі.
Але адных курсаў недастаткова, падкрэслівае Ын, — яны павінны абавязкова замацоўвацца на практыцы, і многія бясцэнныя ўрокі можна атрымаць, толькі робячы што-небудзь рукамі. Навуковец раіць эксперыментаваць з ШІ-агентамі для кодынгу, якія як ніколі спрашчаюць працэс распрацоўкі.
Каб падняцца на больш прасунуты ўзровень, Ын раіць чытаць даследчыя працы — гэта складана, пакуль іх яшчэ не перапрацавалі ў больш «зручназасваяльны» фармат кшталту курсаў, але вельмі карысна як навык, асабліва пры вырашэнні нестандартных задач. Кажа, за чытаннем навуковых прац да яго прыходзяць розныя інсайты.
Рэлацыраваліся? Цяпер вы можаце каментаваць без верыфікацыі акаўнта.