Алеся Чапкевич world 12 лістапада 2025, 13:54

Заснавальнік Google Brain кажа, што ўсе павінны вучыцца кодзіць. Але не «па-старому»

Заснавальнік Google Brain і сузаснавальнік Coursera Эндру Ын лічыць, што ўсе людзі павінны вучыцца кодзіць. Але не проста кодзіць, а вайбкодзіць.

Пакінуць каментарый

Заснавальнік Google Brain кажа, што ўсе павінны вучыцца кодзіць. Але не «па-старому»

Заснавальнік Google Brain і сузаснавальнік Coursera Эндру Ын лічыць, што ўсе людзі павінны вучыцца кодзіць. Але не проста кодзіць, а вайбкодзіць.

«Парог уваходу ў праграмаванне зараз як ніколі нізкі. Людзі, якія ўмеюць пісаць код, ці то генеральныя дырэктары, маркетолагі ці рэкрутары, а не толькі інжынеры ПЗ, змогуць рабіць больш тых, хто не ўмее», — адзначыў Ын нядаўна на канферэнцыі Snowflake.

Паводле слоў прафесара Стэнфарда, зараз «цудоўны час», каб будаваць штосьці, што вас натхняе, бо сёння гэта можна зрабіць хутчэй і з меншымі выдаткамі. Але для гэтага трэба ўмець у вайбкодынг, гэта значыць карыстацца ШІ-інструментамі: «Не пішыце код уручную. Не рабіце гэта па-старому», — сказаў Ын. Ён дадаў, што ШІ для праграмавання здольны зрабіць значна прадуктыўнейшымі людзей у любой сферы дзейнасці.

Ён таксама звязвае ўсплёск беспрацоўя сярод выпускнікоў у галіне інфарматыкі з тым, што «ўніверсітэты не паспяваюць адаптаваць вучэбную праграму пад ШІ-кодынг». «Нават у мяне не атрымліваецца наняць дастаткова людзей, якія па-сапраўднаму валодаюць ШІ», — бядуе навуковец.

У кастрычніку генеральны дырэктар Nvidia Дженсен Хуанг назваў шэсць кампаній, уключаючы тры вайбкодынгавыя, якія стануць важнай часткай лічбавай рэвалюцыі ў працоўнай дзейнасці — гэта OpenAI, Harvey (рашэнні для юрыстаў), Open Evidence (медыцынская платформа), Cursor, Replit і Lovable.