Рынак тэхвакансій прыкметна змяніўся за два гады з моманту выхаду ChatGPT. Калі мабільныя распрацоўшчыкі губляюць працу з-за аўтаматызацыі, то ШІ-архітэктары і спецыялісты па дата-цэнтрах робяцца аднымі з самых запатрабаваных прафесій.
Рынак тэхвакансій прыкметна змяніўся за два гады з моманту выхаду ChatGPT. Калі мабільныя распрацоўшчыкі губляюць працу з-за аўтаматызацыі, то ШІ-архітэктары і спецыялісты па дата-цэнтрах робяцца аднымі з самых запатрабаваных прафесій.
Пасля пандэміі попыт на ІТ-кадры вырас выбуховым чынам, дасягнуўшы піку ў пачатку 2022 года. Напрыклад, тады колькасць вакансій у ЗША падвоілася ў параўнанні з лютым 2020-га. Аднак рост змяніўся рэзкім спадам: да канца 2023-га колькасць прапаноў упала, і з тых часоў рынак застаецца ў стане «замарозкі». Паводле дадзеных Indeed, на ліпень 2025 года колькасць тэх-вакансій была на 36% ніжэй дапандэмійнага ўзроўню.
За перыяд з лістапада 2022-га па лістапад 2024-га, мабільныя распрацоўшчыкі сутыкнуліся з рэкордным падзеннем попыту — вакансій стала менш чым на 70% менш. Прычына хаваецца ў распаўсюджванні інструментаў генератыўнага ШІ, якія зрабілі стварэнне праграм прасцей і даступней. Цяпер нават невялікія каманды ці асобныя распрацоўшчыкі могуць хутка збіраць прататыпы і гатовыя прадукты з дапамогай ШІ-кодэраў.
Падобная сітуацыя ў Java-распрацоўшчыкаў, паколькі мова часта выкарыстоўваецца менавіта ў мабільным асяроддзі. Таксама ўпаў попыт на архітэктараў воблачных рашэнняў і кіраўнікоў інжынерных каманд. Гэта тлумачыцца тым, што кампаніі рэарганізуюць працэсы і зніжаюць кіраўніцкія выдаткі на фоне аўтаматызацыі. У цэлым, з 149 тэхналагічных прафесій з больш чым 1000 вакансій у 2025 годзе толькі 28 перавысілі ўзровень 2020 года.
На супрацьлеглым полюсе знаходзяцца прафесіі, непасрэдна звязаныя з бумам генератыўнага ШІ. Асабліва запатрабаваны ШІ-архітэктары. Рэзка вырас і попыт на тэхнікаў і інжынераў дата-цэнтраў. Напрыклад, колькасць вакансій для інжынераў машыннага навучання вырасла на 59% у параўнанні з 2020 годам, хоць і знізілася з пікавых значэнняў 2022-га. Высокі попыт назіраецца на AI/ML engineers і спецыялістаў па SAP.
Цікавасць працадаўцаў расце і да спецыялістаў, якія кіруюць core systems of record — ключавымі карпаратыўнымі сістэмамі ўліку і кіравання. Гэта ERP (кіраванне рэсурсамі і фінансамі), CRM (кіраванне кліентамі і продажамі), HRIS (сістэмы кіравання кадрамі), а таксама базы дадзеных для бухгалтэрыі і аналітыкі. Гэтыя напрамкі не інавацыйныя, але менавіта яны забяспечваюць бесперабойнасць бізнесу.
Рэлацыраваліся? Цяпер вы можаце каментаваць без верыфікацыі акаўнта.