Камісія па каштоўных паперах ЗША падала ў суд на заснавальніка TRON

Сана падазраюць у маніпуляванні рынкам. Паводле заявы ведамства, Сан спрабаваў штучна падняць аб’ём таргоў TRX, прымусіўшы супрацоўнікаў правесці больш за 600 тысяч угод паміж двума рахункамі платформы, якія ён кантраляваў. Reuters сцвярджае, што штодня праз такія ўгоды праходзіла ад 4,5 да 7,4 мільёнаў TRX.

Сан адхіліў выстаўленыя абвінавачванні і паабяцаў змагацца ў судзе. «Я заўсёды быў адказным гульцом у крыптавалютнай індустрыі і ніколі не рабіў нічога, каб маніпуляваць рынкам або падманваць інвестараў», — заявіў бізнэсовец.