Кампаній, якія выкарыстоўваюць ШІ для рэвью кода, стала ўдвая больш за паўгода, для ўсёй распрацоўкі — у 4,5 разы
Папулярнасць аўтаномных ШІ-інструментаў для распрацоўкі софту расце ўсё хутчэй. І гаворка ідзе не проста пра «пасіўную» дапамогу інжынерам, але і пра «актыўныя» агентныя ШІ-сістэмы, якія ўмеюць выконваць задачы без умяшання скураных наглядчыкаў на кожным кроку. Платформа па кіраванні распрацоўкай Jellyfish апытвала больш за 400 кампаній у перыяд са снежня 2024 года па май 2025-га, і калі да пачатку гэтага года ШІ-агентамі штодзённа карысталіся крыху больш за 50% кампаній, то ўжо ў красавіку іх было больш за 82%.
Папулярнасць аўтаномных ШІ-інструментаў для распрацоўкі софту расце ўсё хутчэй. І гаворка ідзе не проста пра «пасіўную» дапамогу інжынерам, але і пра «актыўныя» агентныя ШІ-сістэмы, якія ўмеюць выконваць задачы без умяшання скураных наглядчыкаў на кожным кроку. Платформа па кіраванні распрацоўкай Jellyfish апытвала больш за 400 кампаній у перыяд са снежня 2024 года па май 2025-га, і калі да пачатку гэтага года ШІ-агентамі штодзённа карысталіся крыху больш за 50% кампаній, то ўжо ў красавіку іх было больш за 82%.
Такія інструменты не проста даюць падказкі ці пішуць фрагменты кода, а выконваюць некаторыя дзеянні ў працэсе распрацоўкі, напрыклад адкрываюць код-рэвью, робяць каміты ці пакідаюць каментарыі — без карыстальніцкага промпта. То бок яны больш аўтаномныя і патрабуюць мінімальнага ўдзелу чалавека.
Доля кампаній, якія выкарыстоўваюць ШІ для рэвью кода, вырасла з 39% у снежні да 76% да мая. У некаторых кампаніях такія інструменты робяць 80% код-рэвью. Інструментамі для рэвью, якія выкарыстоўваюцца найчасцей, сталі GitHub Copilot Reviewer, Cursor BugBot і CodeRabbit. Таксама набіраюць папулярнасць Graphite і Greptile.
Невялікая, але ўпэўнена растучая група кампаній зацікаўлена ў выбудоўванні ўсяго працэсу на базе ШІ-агентаў, калі яны не толькі правяраюць код, але таксама пішуць і перадаюць у прадакшн. Доля такіх кампаній дзякуючы інструментам накшталт Claude Code, Devin і Codex за паўгода вырасла ў 4,5 разы.
Рэлацыраваліся? Цяпер вы можаце каментаваць без верыфікацыі акаўнта.