Нобелеўскі лаўрэат і «хросны бацька» ШІ Джэфры Хінтан лічыць, што каб абыграць звышінтэлект, людзям трэба не спрабаваць быць разумнейшымі за яго, а наадварот — прыкінуцца слабымі. Ідэю ён агучыў на нядаўняй канферэнцыі Ai4 у Лас-Вегасе.
Нобелеўскі лаўрэат і «хросны бацька» ШІ Джэфры Хінтан лічыць, што каб абыграць звышінтэлект, людзям трэба не спрабаваць быць разумнейшымі за яго, а наадварот — прыкінуцца слабымі. Ідэю ён агучыў на нядаўняй канферэнцыі Ai4 у Лас-Вегасе.
Хінтан заявіў, што распрацоўшчыкі павінны закласці ў ШІ, так бы мовіць, «мацярынскія інстынкты», каб ён абараняў людзей, нават калі стане значна разумнейшым за нас.
«Нам трэба зрабіць так, каб калі [ШІ-сістэмы] стануць магутнейшымі і разумнейшымі, яны паклапаціліся пра нас», — адзначыў Хінтан. Раней ён раскрытыкаваў падыход, паводле якога людзі павінны ўсталяваць кантроль і перавагу над ШІ. «Не спрацуе», — упэўнены навуковец.
Значна лепш, на яго думку, калі менш разумная істота накіроўвае больш разумную — як маці накіроўвае яе дзіця. Таму даследчыкі павінны не толькі спрабаваць зрабіць ШІ разумнейшым, але і запраграмаваць у ім мацярынскі пачатак, «каб ён клапаціўся пра нас, як пра сваё дзіця».
«Будзем яго дзеткамі. Гэта адзінае добрае рашэнне. Калі ён не будзе апекаваць нас, ён заменіць нас», — падсумаваў Хінтан.
Рэлацыраваліся? Цяпер вы можаце каментаваць без верыфікацыі акаўнта.