Арэнда жытла хутка расце, валюты няма ў банках. Мінчанка зняла TikTok пра долар — за суткі 2К каментароў

Паводле слоў дзяўчыны, у банку, дзе яна абслугоўваецца, долар толькі за апошнія суткі падаражэў амаль на 10 капеек. А калі яна паспрабавала купіць валюту, выявілася, што долараў няма.

— А курс усё расце і расце, — сумна заўважае дзяўчына. 

Бо за кватэру яны [з мужам] плацяць у валюце, у гэтым месяцы іх пераплата склала 100 BYN.

— А што будзе заўтра, я проста баюся ўявіць, — рэзюмуе мянчанка.

Хвіліннае відэа за суткі набрала 400К праглядаў і больш за 2К каментароў. У асноўным людзі іранізуюць з нагоды беларускай стабільнасці і «нічымнезабяспечанасці долара», разважаюць пра прывязку BYN да расійскага рубля і даларызацыю беларускай эканомікі.

Многія дзівяцца таму, што стаўкі арэнды ўстаноўленыя ў валюце і падкрэсліваюць, што гэта незаконна. Ім адказваюць, што дзяржава сама прывязвае нерухомасць да валюты. 

— У нас беларускі рубель і ніяк не долар, узялі моду па курсе, — абураецца адзін каментатар.

— Ну, дзяржава сама такую моду навязвае: чаму ўсе забудоўшчыкі фармуюць кошт квадрата з прывязкай да долара? — пярэчыць яму іншы.

— Дзяржаве даўно пара ўзяцца за арэнду кватэр, цэны, якія яны нясуць, нікуды не падыходзяць, трэба было б пачаць фіксаваць цэны, — сцвярджае яшчэ адзін каментатар.

— Калі хочаце зафіксаваную — здымайце гасцініцу, — адказвае чацвёрты.

Вось яшчэ некалькі красамоўных каментароў на гэтую тэму:

— Зафіксаваць можна дзяржаўныя арэндныя плацяжы, а ў прыватнікаў усё па законах рынку, то-бок на аснове попыту і прапановы, — далучаецца да спрэчкі хтосьці яшчэ.

— Нашыя кватаранты плацяць у беларускіх рублях фіксаваную суму. Дамаўляйцеся з гаспадарамі.

— Такое адчуванне, што мы ў Амерыцы жывем. Чаму не прывязаць аплату за кватэры ў беларускіх рублях? У Расіі наогул долар не коціць — усё за сваю валюту прадаюць і купляюць.

— А чаму б вам не набыць уласную кватэру, зрабіць у ёй рамонт, і здаваць. У гэтым выпадку вы зможаце прывязаць аплату хоць да мангольскаму тугрыкаў.

Асобная галіна дыскусіі — пра тое, ці трэба бегчы ў абменнікі, калі долар расце. Падобна, што ў ёй удзельнічаюць расійцы, якія здзіўляюцца, чаму ў Беларусі «так не ў пашане свая валюта». 

— Бо беларусы навучаныя, — тлумачаць ім.

На таргах 28 лістапада долар дадаў 1,76% і дасягнуў 3,5951 BYN. На таргах 28 кастрычніка долар каштаваў 3,3057 BYN, то-бок за месяц ён падаражэў амаль на 9%. За апошнія два месяцы долар вырас на 12%.

«Цалкам выключаць гэты сцэнар нельга». Ці можа рост долара прывесці да недахопу валюты ў абменніках?

Па тэме

«Цалкам выключаць гэты сцэнар нельга». Ці можа рост долара прывесці да недахопу валюты ў абменніках?

У Беларусі долар б’е рэкорды. Разбіраліся, што адбываецца

Па тэме

У Беларусі долар б’е рэкорды. Разбіраліся, што адбываецца