Кафаўндар OneSoil падлічыў, колькі будзе каштаваць кватэра ў Варшаве ў іпатэку

Інфармацыя, якую даў сузаснавальнік агратэхнічнага стартапа, такая: мінімальны першы ўнёсак — 10%, стаўка па іпатэцы — 8,5%, штомесячны плацеж — $2600. «Праз 30 гадоў агулам банку выплачваеш $1 млн», — сказаў на заканчэнне Слава.

У каментарах некаторыя карыстальнікі не хаваюць здзіўлення: навошта браць за $400 тысяч, калі можна пашукаць таннейшую. Напрыклад, яму прапанавалі «трошку» за $72 тысячы — у 50 хвілінах ад цэнтра Гданьска і гадзіне ад Сопата.

Хтосьці піша, што ў Іспаніі стаўка — 2%. Хтосьці прыводзіць лічбы па Італіі — 4-5% гадавых. Хтосьці дзеліцца, што ў Літве стаўка — 4%. Але ёсць і тыя, хто радуецца за Славу і кажа, што ў Празе за гэтыя грошы «нічога не купіць» (а стаўка там 4,5%).

Ёсць яшчэ вось такія каментары:

— У Польшчы стаўкі па іпатэчных крэдытах у 2025 годзе складаюць 5,5-6%. Аднак дзяржава субсідуе крэдыты для куплі першага жытла — першыя 10 гадоў стаўка ўсяго 2%. Праграма распаўсюджваецца на крэдыты да 500 тысяч злотых (прыкладна 118 тысяч еўра), а для сем’яў з дзецьмі — да 600 тысяч злотых (прыблізна 142 тысячы еўра), — заўважае карыстальнік Threads. Але інфармацыю гэтую трэба правяраць.

— …Цяпер актуальная стаўка ў крэдытах пачынаецца ад 6,99%, але гэта з 20%-ным першапачатковым унёскам. З 10%-ным трохі вышэйшыя будуць стаўкі, —  піша яшчэ адзін карыстальнік.