Алеся Чапкевич bel 3 жніўня 2026, 10:35

Латвія закрыла мяжу з Беларуссю

У пятніцу, 31 ліпеня, Латвія закрыла мяжу з Беларуссю па тэхнічных прычынах. Пра гэта паведаміў у X міністр унутраных спраў балтыйскай краіны Яніс Домбрава. Ён заклікаў падарожнікаў скарыстацца іншымі маршрутамі.

Пакінуць каментарый

У пятніцу, 31 ліпеня, Латвія закрыла мяжу з Беларуссю па тэхнічных прычынах. Пра гэта паведаміў у X міністр унутраных спраў балтыйскай краіны Яніс Домбрава. Ён заклікаў падарожнікаў скарыстацца іншымі маршрутамі.

Як піша Delfi, у латвійскай памежнай службе пацвердзілі, што на кантрольна-прапускным пункце «Патэрніекі» — адзіным дзеючым на мяжы з Беларуссю — узніклі збоі ў працы інфармацыйных сістэм. Таму правядзенне памежнага кантролю там цяпер немагчыма.

Прадстаўнікі службы заявілі, што прычыны праблемы і тэрміны яе ліквідацыі пакуль невядомы, але абяцалі аператыўна абнаўляць інфармацыю пра магчымасці для тых, хто перасякае мяжу.

Раней у чацвер, 30 ліпеня, Домбрава заклікаў жыхароў Латвіі адмовіцца ад паездак у Беларусь або вярнуцца адтуль. «Ва умовах развязанай Беларуссю гібрыднай міграцыйнай вайны бяспечны рух паміж краінамі можа стаць трудным», — адзначыў міністр.

Таксама латвійскі ўрад падоўжыў да канца бягучага года рэжым узмоцненай аховы мяжы ў прымежжы з Беларуссю, спаслаўшыся на ўзрослы паток нелегальных мігрантаў.

На дзеянні латвійскага боку пажаліліся беларускія мытнікі.

«Па рашэнні латвійскага боку з 23.00 31 ліпеня рух праз адзіны адкрыты на беларуска-латвійскай мяжы пункт прапуску „Грыгораўшчына“ цалкам спынены і да гэтага часу не адноўлены», — гаворыцца у ранішнім пасце ДМК ў тэлеграме ад 1 жніўня. Апдэтаў пра змены сітуацыі ў канале ведамства не было.