Аддзел навін 29 лістапада 2024, 18:24

У Аўстраліі забаранілі сацсеткі дзецям да 16

Аўстралійскія ўлады 28 лістапада прынялі закон, згодна з якім сацсеткамі, уключаючы Instagram, Facebook, Snapchat, X і TikTok, змогуць карыстацца толькі асобы, якія дасягнулі 16 гадоў. Уладальнікі платформаў павінны будуць адключыць акаўнты дзяцей маладзейшых за гэты ўзрост і прадухіліць рэгістрацыю новых, інакш ім пагражае штраф да $32 млн (49,5 млн аўстралійскіх долараў), піша Reuters. Пры гэтым дзяцей і бацькоў караць не будуць.

Пакінуць каментарый

У Аўстраліі забаранілі сацсеткі дзецям да 16

Аўстралійскія ўлады 28 лістапада прынялі закон, згодна з якім сацсеткамі, уключаючы Instagram, Facebook, Snapchat, X і TikTok, змогуць карыстацца толькі асобы, якія дасягнулі 16 гадоў. Уладальнікі платформаў павінны будуць адключыць акаўнты дзяцей маладзейшых за гэты ўзрост і прадухіліць рэгістрацыю новых, інакш ім пагражае штраф да $32 млн (49,5 млн аўстралійскіх долараў), піша Reuters. Пры гэтым дзяцей і бацькоў караць не будуць.

Закон уступіць у сілу праз год. Як менавіта ён будзе працаваць, незразумела — ад студзеня пачнецца тэсціраванне механізмаў яго рэалізацыі.

Такія законы, якія лімітуюць доступ дзяцей да сацсетак, ужо ёсць у ЗША і Францыі, але там усё вырашае дазвол бацькоў. Аўстралійскі бан такіх выключэнняў не прадугледжвае. Ён выклікаў абурэнне абаронцаў канфідэнцыйнасці і дзіцячых праваабаронцаў, але, паводле нядаўніх апытанняў, яго падтрымліваюць 77% насельніцтва.

Раней Аўстралія стала першай краінай у свеце, якая прымусіла сацсеткі плаціць мясцовым выданням за распаўсюд іх кантэнту.

У Meta заявілі, што ўстрывожаныя «паспешным» прыняццем закона, але будуць выконваць яго. Аналагічную пазіцыю займаюць у Snap і TikTok. У Х каментароў выданню не далі. Паводле слоў аўстралійскіх уладаў, дзве апошнія сацсеткі закон закране больш за ўсё. ІТ-кампаніі — уключаючы Google, хаця YouTube з прычыны шырокага выкарыстання ў школах навіна не закране, — лічаць, што ў законе занадта многае незразумела і яго ўкараненне мае быць адкладзена да таго моманту, пакуль не скончыцца тэсціраванне метадаў праверкі ўзросту карыстальнікаў.