У Латвіі хочуць забараніць беларусам купляць нерухомасць у краіне

Мэта дакумента — не дапусціць «шкоднай і небяспечнай дзейнасці з пункта гледжання дзяржаўных інтарэсаў», а таксама выключыць магчымасць «абыходу санкцый». Забарона закране ў тым ліку юрыдычных асоб, аформленых на грамадзян Беларусі і Расіі.

Абмежаванні не закрануць тых, хто мае статус пастаяннага жыхара ЕС або дазвол на пастаяннае знаходжанне ў Латвіі.

Акрамя гэтага, Латвія плануе ўвесці абмежаванні на ўезд грамадзян краін СНД. Грамадзян гэтых краін, уключаючы беларусаў, могуць абавязаць падаць інфармацыю пра мэту паездкі, час і месца знаходжання, маршрут, займаныя пасады, кантакты і іншую інфармацыю.

Таксама ў Латвіі дзейнічае забарона на рух аўтамабіляў з беларускімі нумарамі, за выключэннем транзіту.