Асабістыя чаты ChatGPT масава трапілі ў Google — OpenAI абвінавачвае карыстальнікаў

Журналісты і спецыялісты па кібербяспецы выявілі ў пошуку тысячы публічных чатаў, многія з якіх утрымліваюць шчырыя асабістыя гісторыі, абмеркаванні адносін, пытанні аб здароўі і нават прафесійную перапіску.

Аказалася, што частка карыстальнікаў міжволі рабіла свае размовы бачнымі для ўсіх, не ўсведамляючы, што простая птушачка «Зрабіць гэты чат даступным для пошуку» адкрывае доступ не толькі для адрасата, але і для ўсяго інтэрнэту.

OpenAI тлумачыць: каб чат трапіў у пошук, карыстальнік павінен уключыць індэксаванне пры публікацыі спасылкі. Тым не менш, дызайн гэтай функцыі і дробны шрыфт папярэджанняў справакавалі масу непаразуменняў. Кампанія была вымушана тэрмінова адключыць магчымасць рабіць чаты пошукавымі з-за шквалу крытыкі і асцярог наконт прыватнасці.

Сітуацыя з ChatGPT — не першы падобны выпадак на рынку штучнага інтэлекту. Google і Meta ўжо сутыкаліся з уцечкамі прыватных дыялогаў сваіх ШІ-прадуктаў у публічныя стужкі і вынікі пошуку, пасля чаго былі вымушаны ўзмацніць кантроль.

Эксперты папярэджваюць: па меры таго як ШІ-сэрвісы робяцца часткай паўсядзённага жыцця, канфідэнцыйнасць асабістых дадзеных аказваецца пад пагрозай. Калі вы дзеліцеся спасылкай на чат — памятайце, што ён робіцца агульнадаступным. Усе наступныя паведамленні пасля публікацыі не трапляюць у публічную версію, але ўжо апублікаваны кантэнт застаецца бачным.