Платформа прадставіла новыя інструменты праверкі профіляў і працоўнага стажу. Карыстальнікі змогуць пацвярджаць, што сапраўды працавалі або вучыліся разам з чалавекам, а кампаніі — выдаляць ілжывыя звесткі пра працаўладкаванне са сваіх старонак.
Платформа прадставіла новыя інструменты праверкі профіляў і працоўнага стажу. Карыстальнікі змогуць пацвярджаць, што сапраўды працавалі або вучыліся разам з чалавекам, а кампаніі — выдаляць ілжывыя звесткі пра працаўладкаванне са сваіх старонак.
Цяпер калегі і аднакурснікі змогуць пацвярджаць пазначаны ў профілі досвед. Напрыклад, карыстальнік зможа засведчыць, што чалавек сапраўды працаваў у пэўнай кампаніі ў пазначаны перыяд. Гэта не рэкамендацыя ягоных прафесійных навыкаў, а пацверджанне самога факту працы або вучобы.
Каб пацвердзіць чужы досвед, неабходна мець верыфікаваны профіль, быць звязаным з гэтым чалавекам у LinkedIn не менш за год і выкарыстоўваць двухфактарную аўтэнтыфікацыю. Гэтыя абмежаванні павінны знізіць рызыку масавага стварэння ілжывых пацверджанняў.
Кампаніі атрымаюць магчымасць выдаляць са сваіх старонак людзей, якія ілжыва заяўляюць пра працу ў іх. Адміністратар зможа ўручную прыбраць такі акаўнт са спісу супрацоўнікаў і звязаных вынікаў пошуку. LinkedIn таксама тэстуе налада, пры якой новым карыстальнікам давядзецца пацвярджаць сувязь з кампаніяй, напрыклад праз карпаратыўную пошту.
Пры гэтым кампанія не зможа самастойна змяніць чужое рэзюмэ: запіс пра працу застанецца ў профілі карыстальніка, але страціць пацверджаны статус і спасылку на старонку працадаўцы. «Падрабляць рэпутацыю яшчэ ніколі не было так танна і проста. І, наадварот, дэманстраваць сваю сапраўднасць яшчэ ніколі не было так важна», — заявіў віцэ-прэзідэнт LinkedIn па прадуктах Оскар Радрыгес.
Паводле дадзеных LinkedIn, існуючымі інструментамі верыфікацыі ўжо скарысталіся 115 мільёнаў карыстальнікаў і больш за 700 тысяч кампаній. Платформа сцвярджае, што публікацыі карыстальнікаў з пацверджанымі профілямі ў сярэднім атрымліваюць на 50% больш прагляданняў, а колькасць паказаў іх кантэнту — на 90% вышэй.
Новыя функцыі з’явяцца цягам верасня. Акрамя таго, LinkedIn пашырае партнёрствы з вонкавымі сервісамі: у прыватнасці, карыстальнікі Truecaller змогуць адлюстроўваць пацверджаную праз LinkedIn асобу пры тэлефонных званках.
Рэлацыраваліся? Цяпер вы можаце каментаваць без верыфікацыі акаўнта.