Літва не будзе ўводзіць для беларусаў такія ж абмежаванні, як для расійцаў
Сейм Літвы адхіліў вета, якое прэзідэнт Гітанас Наўседа наклаў на закон пра абмежаванні для беларусаў і расійцаў.
Дакумент быў зацверджаны Сеймам Літвы на пачатку красавіка. Законам былі вызначаныя 7 абмежавальных мер для забеспячэння нацыянальнай бяспекі і знешнепалітычных інтарэсаў Літвы. Пры гэтым не ўсе абмежаванні былі ўведзеныя ў дачыненні да беларусаў.
У прыватнасці, з дакумента прыбралі:
— прапанову абмежаваць прыём заяў на літоўскае грамадзянства для грамадзян Беларусі;
— прапанову забараніць грамадзянам Беларусі куплю нерухомасці ў Літве;
— прапанову змяніць парадак выдачы дазволу на жыхарства грамадзянам Беларусі (раней прапаноўвалася забараніць выдачу дазволаў «праз вонкавага пастаўшчыка паслуг за мяжой»).
Наўседа прапанаваў Сейму цалкам дапасаваць усе 7 абмежавальных мер да грамадзян Беларусі. На ягоную думку, Літва мае паслядоўна прытрымлівацца сваёй прынцыповай пазіцыі, што і Расія, і Беларусь з’яўляюцца краінамі-агрэсарамі ў адносінах да Украіны, як у рэалізацыі знешнепалітычнага, так і ў нацыянальным заканадаўстве.
Аднак дэпутаты Сейма не падтрымалі прапановы прэзідэнта. За прыняцце закона без паправак, прапанаваных прэзідэнтам, прагаласавалі 99 дэпутатаў Сейма, супраць — 7, устрымаліся — 2.
Закон набывае моц 2 мая 2023 года і будзе дзейнічаць да 3 мая наступнага года.
Вы можаце падтрымаць dev.by рознымі спосабамі, напрыклад, хуткім данатам проста цяпер.
Читать на dev.by