Гэтай ноччу Літва на некалькі гадзін цалкам перакрывала мяжу з Беларуссю. Па паведамленні беларускіх мытнікаў, рух праз пункт пропуску «Шальчынінкай» («Беняконі») быў прыпынены з 3 гадзін раніцы, праз «Мядзінінкай» («Каменны Лог») — з 5 гадзін.
Гэтай ноччу Літва на некалькі гадзін цалкам перакрывала мяжу з Беларуссю. Па паведамленні беларускіх мытнікаў, рух праз пункт пропуску «Шальчынінкай» («Беняконі») быў прыпынены з 3 гадзін раніцы, праз «Мядзінінкай» («Каменны Лог») — з 5 гадзін.
На той момант у электроннай чарзе на выезд з Беларусі ва ўказаных пунктах пропуску было зарэгістравана звыш 1500 грузавікоў. У пачатку 10-й гадзіны ДМК паведаміў аб аднаўленні руху праз абодва пункты пропуску.
Рашэнне аб закрыцці было прынята ў якасці меры бяспекі ў сувязі з паветранымі шарамі, якія былі запушчаны ў Літву з Беларусі ноччу. Такая інфармацыя з’явілася на сайце Службы аховы дзяржаўнай мяжы пры МУС балтыйскай краіны. У ім адзначалася, што ў такі час сутак патокі праз абодва пункты мінімальныя.
Як піша партал LRT, учора ўвечары з-за метэазондаў з кантрабанднымі цыгарэтамі быў закрыты аэрапорт Вільні. Пацярпела больш за 4 тысячы пасажыраў прыкладна 30 рэйсаў, частка з якіх былі перанакіраваны і скасаваныя. Праца аэрапорта была адноўлена сёння раніцай.
Кіраўнік Нацыянальнага цэнтра кіравання крызісамі Вільмантас Віткаўскас назваў мінулую цыгарэтную акцыю адной з самых інтэнсіўных у гэтым годзе. Шары былі зафіксаваныя ў пяці рэгіёнах Літвы. Delfi піша, што метэазондаў магло быць некалькі дзясяткаў.
Саветнік прэзідэнта Літвы Дэйвідас Матулёніс заявіў, што літоўскія службы павінны дзейнічаць значна жорсткіх у дачыненні да беларускіх уладаў — аж да закрыцця мяжы на больш працяглы тэрмін у выпадку паўтарэння падобных акцый. Сёння адбудзецца пасяджэнне Камісіі па нацыянальнай бяспецы, на якім будуць разгледжаны адказныя меры на пагрозу, якая зыходзіць ад кантрабандных паветраных шароў з беларускага боку.
Рэлацыраваліся? Цяпер вы можаце каментаваць без верыфікацыі акаўнта.