Літва дазволіла і далей уязджаць легкавым аўто з беларускімі нумарамі. Але ёсць нюанс
Літва перагледзела рашэнне аб увядзенні 16 жніўня поўнай забароны на ўезд у краіну легкавых аўтамабіляў, зарэгістраваных у Беларусі. Гэта вынікае з паведамлення літоўскай мытні.
Ад 17 жніўня легкавыя аўтамабілі, зарэгістраваныя ў Беларусі, змогуць уязджаць на тэрыторыю Літвы, але пры выкананні некаторых умоў.
- Аўтамабіль належыць грамадзяніну Беларусі, у якога ёсць літоўская віза або дзейны дазвол на жыхарства ў Літве;
- Аўтамабіль кіруецца непасрэдна яго ўласнікам, не прызначаны для продажу і выкарыстоўваецца толькі ў асабістых мэтах грамадзянінам Беларусі.
- Аўтамабіль выкарыстоўваецца толькі ў асабістых мэтах грамадзянінам ЕС, які па сумяшчальніцтве з’яўляецца рэзідэнтам Беларусі.
Пры гэтым мытня нагадала, што пасля 18 студзеня 2025 года аўтамабілі, зарэгістраваныя ў Беларусі, не змогуць знаходзіцца на тэрыторыі Літвы, і не змогуць браць удзел у дарожным руху.
Нагадаем, 18 ліпеня Літва забараніла ўезд легкавых аўтамабіляў на беларускіх нумарах. Аднак да 16 жніўня можна ўвозіць машыны, не прызначаныя для продажу і належныя грамадзянам Беларусі, «якія маюць дзейную візу, што дазваляе ўезд у ЕС, або дзейны дазвол на часовае або пастаяннае пражыванне ў Літве».
Читать на dev.by