Да 11 500 еўра. Колькі плацяць і каго шукаюць нашыя кампаніі ў Літве

Колькасць спецыялістаў

Ад пачатку года многія ІТ-кампаніі нязначна скарацілі літоўскія каманды.

Больш за іншых «пастараўся» EPAM, які мае найбуйнейшы офіс. Калі ў студзені ў Літве было зарэгістравана 1,5+ тысячы спецыялістаў кампаніі, то цяпер тут працуе на 100 чалавек менш.

Скарачэнне адбылося за кошт віленскага офіса. Колькасць зарэгістраваных тут супрацоўнікаў памяншаецца на працягу ўсяго года. Калі ў студзені ў віленскім офісе працавала каля 1440 чалавек, то на дадзены момант ужо 1328 (на момант напісання матэрыялу). У той жа час расце штат EPAM у Коўне: амаль за 10 месяцаў колькасць супрацоўнікаў павялічылася ад 60 да амаль 120.

Каманду ў Вільні таксама скарачае Wargaming. На працягу гэтага года штат кампаніі ў Літве даходзіў да 1000+ супрацоўнікаў, але цяпер у віленскім офісе зарэгістравана каля 950 чалавек — на 50 менш, ніж у студзені.

Амаль на 50 чалавек ад пачатку года таксама скараціў штат у Літве распрацоўшчык гульняў Melsoft. Каманда распрацоўшчыка праграм для жаночага здароўя Flо скарацілася ад пачатку года на 5% — ад 245 да 231 супрацоўніка. Пры гэтым ад жніўня штат кампаніі амаль не мяняецца.

З мабільных распрацоўшчыкаў колькасць супрацоўнікаў у Літве павялічылі ад пачатку года Belka Games і Wannaby.

З усяго топ-25 ІТ-кампаній з беларускімі каранямі ў Літве самы вялікі рост штату ў Gurtam. Ад пачатку года каманда вырасла на 40% — ад 140 да амаль 200 супрацоўнікаў. Амаль на 25% больш супрацоўнікаў за гэты год стала ў літоўскім офісе Vention Development (iTechArt).

Сярэдні заробак

На сайце rekvizitai.vz.lt апошняя абноўленая інфармацыя аб заробках кампаній у Літве — за жнівень.

Сярод ІТ-кампаній з беларускім капіталам лідарам па памеры сярэдняга заробку брута за жнівень стаў Wannaby-амаль 5,9 тысячы еўра. У топ-3 таксама мабільныя распрацоўшчыкі — Flo (5,58 тысячы еўра) і Belka Games (5,3 тысячы еўра).

Толькі ў сямі кампаній з топ-25 сярэдні заробак брута ў жніўні перавысіў 5 тысяч еўра. Цікава, што ўсе яны — прадуктавікі.

У топ-10 патрапілі і аўтсорсінгавыя кампаніі, але сярод іх не апынулася, у прыватнасці, EPAM. У заробкавым рэйтынгу кампанія толькі на 12 месцы. Па выніках жніўня сярэдні заробак у віленскім офісе кампаніі склаў 4,55 тысячы еўра.

Вакансіі

Паглядзелі, якіх спецыялістаў шукаюць асобныя беларускія кампаніі з офісамі ў Літве, і які заробак гатовыя плаціць. 

EPAM

На сайце EPAM размешчана больш за 90 вакансій для працы ў Літве. Кампаніі патрэбныя інжынеры, SAP-спецыялісты, распрацоўшчыкі, аналітыкі.

Напрыклад, Development Team Lead-Data Analytics & Integration EPAM гатовы прапанаваць заробак 4600-6300 еўра на месяц (брута). Lead Security Guard будзе атрымліваць у літоўскім офісе EPAM 2200-2500 еўра (брута). Вакансіі размешчаныя на cvonline.lt. 

Wargaming

Распрацоўшчык размясціў на сайце 25 вакансій для працы ў віленскім офісе. Wargaming патрэбныя распрацоўшчыкі, дызайнеры, інжынеры. Заробак грос вагаецца ад 1700 да 11500 еўра на месяц. Вось некаторыя прапановы:

• Lead Development Producer, WoT PC — 9500-11500 еўра (грос).
• Senior Data Scientist (Creative Research Team) — 6000-7500 еўра (грос).
• Senior UI Software Developer (Creative Research Team) — 5000-6500 еўра (грос).
• Senior Unreal Developer (Rapid Prototyping Team) — 5000-6250 еўра (грос).
• Big Data Engineer — 4250-6000 еўра (грос).
• Python Developer — 4500-5200 еўра (грос).
• 2D Customization Artist (World of Tanks PC) — 3000-4000 еўра (грос).
• DevOps Engineer — 3500 еўра (грос).
• Service Manager — 2700 еўра (грос).
• Junior Balance Designer (World of Tanks) — 1700-2300 еўра (грос).

Flo Health

На сайце распрацоўшчыка праграмы для жаночага здароўя больш за 15 вакансій, дзе ў якасці лакацыі пазначаная Літва. Кампанія шукае дызайнераў, інжынераў, прадукт-менеджараў, маркетолагаў. 

Вось колькі кампанія гатовая плаціць спецыялістам:

• Principal Cloud Infrastructure Engineer — 8500-10000 еўра (грос).
• Engineering Manager — 7800-8600 еўра (грос).
• Senior Frontend Engineer — 5300-8500 еўра (грос).
• Senior QA Engineer — 4324-7225 еўра (грос).
• Cloud Security Engineer — ад 6100 еўра (грос).
• Product Manager — Premium team — 5500-6500 еўра (грос).
• Growth Marketing Manager — Commercial — 4000-4350 еўра (грос).
• Product Designer — 3300 еўра (грос).

Vention Development

На сайце кампаніі размешчана каля 30 вакансій для працы ў Вільні. Vention шукае ў асновам інжынераў і распрацоўшчыкаў (Java,. NET, iOS, Android, Node.js). Але ў апісанні вакансій мы не знайшлі інфармацыі пра заробкі.

Gurtam

Для працы ў Літве кампанія размясціла каля 10 вакансій. Gurtam патрэбныя распрацоўшчыкі, дызайнеры, QA Tech Lead, Data Scientist. 

Мяркуючы з інфармацыі на cvbankas.lt, заробак, напрыклад, Frontend Developer у Gurtam складае 4000-5500 еўра на месяц (грос). 

Exadel

Кампанія размясціла на сайце каля 20 вакансій, дзе ў якасці лакацыі фігуруе Літва. Для працы ў віленскім офісе кампанія шукае інжынераў, распрацоўшчыкаў, Senior Database Administrator, Data Analyst.

Напрыклад, Middle/Senior Python Engineer кампанія гатовая плаціць да 4700 еўра (брута). Прапанаваны заробак Lead FullStack Developer — да 6200 еўра на месяц (брута).

LeverX

На сайце кампаніі больш за 30 вакансій для працы ў розных лакацыях, у тым ліку ў Літве. Кампаніі патрэбныя распрацоўшчыкі, Інжынеры, SAP Consultant, Resource/Project Manager.

dev.by, як і іншым сумленным медыя, сёння вельмі складана: рэдакцыя працуе па-за межамі краіны, а нашыя рэкламныя даходы скараціліся ў некалькі разоў. Але мы даем рады — з вашай дапамогай. Гэта вы дзеліцеся з намі інфанагодамі, думкамі, досведам, часам, увагай і данатамі.

Праз Patreon. 

З Беларусі — праз Donorbox.

І яшчэ крыптой, тут кашалькі.

Дзякуй, што прачыталі гэтае паведамленне.